我愛慢煮 (孖沙街) (已結業)

難得放假，要脫離一下衝衝衝嘅生活，黎到我愛慢煮，感受慢活，用心好好享受一餐。有豬牛羊雞、海鮮，鐘意食咩肉都有選擇。主菜叫咗美國安格斯特級平鐵牛扒，秘製保濕豬胺架。呢到嘅牛扒Pre set係5-6成熟，煎得剛剛好。一切就見到粉嫩嘅粉紅色。味道方面本身牛肉濃，細味咁嗒，簡單調味已經帶出味道。豬胺架厚切，口感滿足。雖然厚身，但肉質唔嚡口，有適當嘅油脂。配菜方面叫咗多推介嘅芝士溫泉蛋大啡菇，又有芝士又有溫泉蛋，呢個組合唔會出錯。一切就有流心蛋效果。芝士味最得突出，之後有淡淡菇味。作為配菜味道唔會太搶。叫多咗個炸海鮮盤，各有兩件，share岩岩好。海鮮有蠔、魷魚（諗起近來大熱電視）、蝦，仲有魚柳。值得一讚係蠔新鮮，唔腥，炸得外脆內軟。牛扒好大份，冇得唔慢慢食。不過，美食當前應要慢慢細味。