影片
更多
2017-06-13
634 瀏覽
星期日朝早行完山, 同友人各自回家沖沖涼再出黎食晚飯, 所以一直SEARCH下觀塘有咩好食,最後搵到呢間「慢煮工房」, 朋友一向食野唔睇價錢, 所以二話不說就話打去問問有冇位,有就即去~一打去就話幾多位, 我心諗點解星期日我6:15PM打黎訂7:15PM居然都有位, 不過冇為意, 照去啦一去到感覺就係有點日式拉麵鋪FEEL, 不過吧位係唔坐人的, 對住既係OPEN KITCHEN座位大約有廿幾至三十左右, 一位女侍應就招呼晒所有客人, 兩位廚師加一位水吧就負責晒當晚所有餐點我見到其實都想講個服字...其實全晚都係一個餐牌, 4-COURSES SET DINNER, 主菜一堆, 但一半係非慢煮.....先上既係前菜 - 青口沙律老實講, 青口好鮮嫩, 不過希望佢下次清理好青口肉內既垃圾先....另外係DRESSING不足且上唔到菜上面,食極都只有菜本身既味道, DRESSING都落晒底下....另外黃椒我覺得太大件,一係切絲, 一係切片, 沙律菜就唔知點解有種苦味跟住上餐湯 - 南瓜湯好彩個湯都好飲, 本身自己都煮開西餐, 呢類西式湯好難唔好飲,因為主要取決果種菜是否時令,菜本身質素如
最後搵到呢間「慢煮工房」, 朋友一向食野唔睇價錢, 所以二話不說就話打去問問有冇位,有就即去~
一打去就話幾多位, 我心諗點解星期日我6:15PM打黎訂7:15PM居然都有位, 不過冇為意, 照去啦
一去到感覺就係有點日式拉麵鋪FEEL, 不過吧位係唔坐人的, 對住既係OPEN KITCHEN
座位大約有廿幾至三十左右, 一位女侍應就招呼晒所有客人, 兩位廚師加一位水吧就負責晒當晚所有餐點
我見到其實都想講個服字...
其實全晚都係一個餐牌, 4-COURSES SET DINNER, 主菜一堆, 但一半係非慢煮.....
先上既係前菜 - 青口沙律
老實講, 青口好鮮嫩, 不過希望佢下次清理好青口肉內既垃圾先....另外係DRESSING不足且上唔到菜上面,
食極都只有菜本身既味道, DRESSING都落晒底下....另外黃椒我覺得太大件,一係切絲, 一係切片, 沙律菜就唔知點解有種苦味
前菜 - 青口沙律
5 瀏覽
0 讚好
0 留言
跟住上餐湯 - 南瓜湯
好彩個湯都好飲, 本身自己都煮開西餐, 呢類西式湯好難唔好飲,因為主要取決果種菜是否時令,
菜本身質素如何, 又或菜本身夠唔夠熟成度
而佢個湯係甜既, 本身南瓜當造, 南瓜湯煮起黎係好甜好好味
特製餐湯 - 南瓜湯
4 瀏覽
0 讚好
0 留言
主菜我就揀個平平地既寶雲蘇雞扒, 黎得呢間叫「慢煮工房」冇理由唔試下慢煮,
雞係滑既, 因為本身屬於滑既雞脾扒位, 味道基本都靠雞扒上面既芝士及芥末醬....
以我認識既寶雲蘇做法其實唔係落芝士, 只係落芥末醬同麵包糠去焗,
而呢間餐廳則連焗都冇做到, 只係將麵包糠灑係雞扒上面就算.....我真係接受唔到
慢煮。法式寶雲蘇雞肉。香草忌廉意大利麵
$168
6 瀏覽
0 讚好
0 留言
朋友就太識食, 揀左伊比利豬鞍, 又係一款肉質比較冧既位置
首先係豬鞍本身冇醃過, 佢唔比埋個蘋果薄荷慕絲的話真係可以話冇味, 真係浪費左件豬鞍
比我會將豬甚切成三件再慢煮,煮完去煎香表面, 因為若餐廳選擇唔醃, 咁只可以靠後期煎時再係表面加入鹽花,
否則就如圖咁非常唔夠色, 好淺色冇睇頭, 因為肉類其實好需要油份去吸引人,
油脂既香氣同光澤係可以令肉類更吸睛
慢煮。西班牙伊比利豬鞍。北印度乾果飯。蘋果薄荷慕絲
$288
17 瀏覽
0 讚好
0 留言
最後食埋個甜品 - 蜜瓜奶凍, 上面淋左D士多啤梨醬, 放左幾粒乾莓係旁邊,
本身奶凍好味, 佢魚膠唔重手, 好滑同軟身, 只係後者兩樣都係多餘....
士多啤梨醬影響左奶凍既味, 乾莓則冇提升任何野, 我會話生果粒會更好, 出黎PRESENTATION都好好多!!!
總體黎講, 我只可以話佢 4-COURSES SET可以做到 $168 算係抵食, 否則我真係唔會幫襯佢....
慢煮佢講唔上, 佢有做但係做出黎根本就唔係果回事, 做唔到好味, 慢唔慢煮都冇所謂吧
另外希望佢以後會醃一醃佢既肉類, 或者調味做返好D
張貼
