慢煮工業 (已結業)

今日我去左旺角行街既時候，特登聽左我個老友講去咗位於太子道西嘅慢煮工業開餐，貪佢抵食夾大件咁話。一去到就睇下個餐牌，慢煮工業比較特別，下午用自助形式，價錢較實惠，幾十蚊起就有一大個套餐又唔使加一服務費，讚好。夜晚就用返傳統形式，點餐服務，亦都不錯的。今次兩個人就要兩份餐啦!全日早餐估唔到啲到嘅全日早餐竟然有一大塊安格斯牛扒，慢煮嘅安格斯牛扒十分之有口感，又香，又唔會過熟，正! 另外佢仲有炒蛋，沙律，薯餅，芝士大啡菇同埋蜜糖飽，一於一次過來個大滿足，計我話咁多野咁好食，應該叫做全日晚餐先岩。安格斯牛扒配薯條另外友人由於唔想食到太過heavy，就要左份安格斯牛扒配薯條，牛扒一樣十分有口感同juicy，薯條熱辣辣即叫即製，我估佢𥚃面有調味過，配以各種餐廳提供嘅芥辣茄汁辣椒仔等等，就成為非一般好味嘅炸薯條。飲品我哋要咗分別一杯香茅蜜桃烏龍茶，茶味香濃配以𥚃面既原件蜜桃，非常清新。另外要左一支叫做因果報應嘅可樂，其實係紐西蘭入口嘅可樂嚟嘅口感不錯有少少沙示嘅味道，Cool!