盛寅慢煮製麵 (已結業)

餐牌係港式x日式fusion風味，由日本人同香港人合作共同開業，呢個形式定位嘅餐廳喺香港餐飲市場上比較少見，好欣賞店主肯作出呢個嘗試，為觀塘區嘅街坊提供更多唔同選擇🤩期間限定湯咖喱本人係好鍾意食湯咖喱，每次去日本旅行都會尋覓大街小巷搵唔同類型嘅湯咖喱，估唔到喺香港都可以食得到🤣呢一款湯咖喱係經過店主親自改良，麵底用上菠菜麵，感覺上比較另類創新！肉類用返店舖馳名嘅雞肉，搭配大量健康嘅蔬菜，仲有當然唔少得日式料理常見嘅溫泉蛋😍椒麻雞泡飯雞肉以慢煮形式處理，口感好唔同，有驚喜元素😎泡飯湯底係餐廳主打，每日新鮮製成，飲落口的確feel到真材實料🤪炸物拼盤無骨雞翼+雞皮餃子+蜂巢豆卜，邪惡炸物小食😝雜菌野菜跟餐嘅一小碟，平衡返營養攝取😃酥炸雞皮餃子日本當地居酒屋好常見嘅小食，但喺香港就唔係好多地方可以食得到🥺一款好特別嘅餃子，外皮炸到金黃酥脆唔在講，內餡亦做到軟嫩多汁！😬今期期間限定產品，分別有湯咖哩、壽喜燒！一人專享全日套餐，一個人原來都可以盡興！