坤記煲仔小菜 (已搬遷) 新店位置

今天廚房應出咗啲事，叫個煲仔飯等咗成粒鐘，連老闆樓面都唔多睇得過眼。$75臘味飯已經係煲仔飯類中最平，窩蛋牛肉飯$85，白鱔排骨$95，排骨售罄，無通知下變成淨白鱔飯。臘味飯賣相好靚，臘腸臘肉切厚件放得整齊美觀。臘味軟硬度同味道均佳，沒有過鹹過硬。飯焦也出色，一點也沒有黐底燒燶，能一片脆卜卜入口。窩蛋蛋黃全熟，牛是用肉片。白鱔肥厚而新鮮，份量很足。質素比廟街高很多。