影片
更多
2020-05-09
233 瀏覽
真空低溫烹調法，又稱慢煮，近年嚟喺香港發展急速上升，唔少主打年輕食客嘅文青店舖都以呢種煮法做招徠，希望引入慢煮技術，為食客提供一個新式嘅選擇。今次嚟到慢煮工業晚餐，希望同朋友聚舊之餘亦都可以一試呢間文青食店。極黑安格斯牛魔王肉眼要食慢煮西餐，一班牛魔王又點能夠錯過餐牌上面嘅極黑安格斯牛魔王肉眼？望落去雖然同一般煎牛扒無任何分別，但係切出嚟之後明顯肉質非常稔，同時牛味亦都無流失，加上少少迷迭香同海鹽嘅點綴，為呢一塊安格斯肉眼生色不少，整體嚟講的確算係上佳。輕食拼盤 及 脆辣一字雞翼再介紹下輕食拼盤，入面有炸洋蔥圈、炸蝦、炸蠔、炸薯條、單骨雞翼及芝士條，講出嚟可謂一啲都唔輕盈。所有嘅小食都尚算中規中矩，反而值得一提嘅係佢嘅脆辣一字雞翼。脆辣一字雞翼炸得非常脆口，而且特地切開做單骨方便食客一口就完成，配以啤酒類飲品十分登對。但可以改善嘅地方係辣度可以再提升少少，食落去可能會更加上癮！威靈頓牛柳喺香港，可以食到威靈頓牛柳嘅地方唔多，而呢個菜式從來都係非常有技巧。可惜慢煮工業嘅威靈頓牛柳可能會令一眾牛魔王失望，雖然賣相望落去酥皮都算金黃，但係一切落去就會發覺成個威靈頓牛柳好唔一體，酥皮、巴馬火腿
極黑安格斯牛魔王肉眼
極黑安格斯牛魔王肉眼
15 瀏覽
1 讚好
0 留言
要食慢煮西餐，一班牛魔王又點能夠錯過餐牌上面嘅極黑安格斯牛魔王肉眼？望落去雖然同一般煎牛扒無任何分別，但係切出嚟之後明顯肉質非常稔，同時牛味亦都無流失，加上少少迷迭香同海鹽嘅點綴，為呢一塊安格斯肉眼生色不少，整體嚟講的確算係上佳。
輕食拼盤 及 脆辣一字雞翼
輕食拼盤
14 瀏覽
1 讚好
0 留言
脆辣一字雞翼
15 瀏覽
1 讚好
0 留言
再介紹下輕食拼盤，入面有炸洋蔥圈、炸蝦、炸蠔、炸薯條、單骨雞翼及芝士條，講出嚟可謂一啲都唔輕盈。所有嘅小食都尚算中規中矩，反而值得一提嘅係佢嘅脆辣一字雞翼。脆辣一字雞翼炸得非常脆口，而且特地切開做單骨方便食客一口就完成，配以啤酒類飲品十分登對。但可以改善嘅地方係辣度可以再提升少少，食落去可能會更加上癮！
威靈頓牛柳
威靈頓牛柳
25 瀏覽
1 讚好
0 留言
喺香港，可以食到威靈頓牛柳嘅地方唔多，而呢個菜式從來都係非常有技巧。可惜慢煮工業嘅威靈頓牛柳可能會令一眾牛魔王失望，雖然賣相望落去酥皮都算金黃，但係一切落去就會發覺成個威靈頓牛柳好唔一體，酥皮、巴馬火腿、黑松露碎同牛柳全部都分開晒，而食落去嘅時候牛柳亦有點過生嘅情況出現。，不過味道嚟講亦唔算太差，只不過係每樣材料各自為政，有點失望。
西西里肉醬芝士焗意粉
西西里肉醬芝士焗意粉
16 瀏覽
1 讚好
0 留言
雖然威靈頓牛柳有點失色，但呢一道西西里肉醬芝士焗意粉反而令人有眼前一亮嘅感覺。原本只係期望佢係一道普通嘅肉醬意粉，但係芝士量之多同埋濃味嘅肉醬絕對啱一眾重口味食家！
＊順帶一提，飲品方面慢煮工業都有提供唔少嘅港式或者入口手工啤俾食客選擇，而我同朋友一行三人試完之後都發覺佢推薦嘅French Cider係唔錯，好香蘋果味之餘亦都無一般手工啤過重嘅麥味，對於女仔嚟講亦唔會難入口。
味道 ⭐️⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️⭐️
性價比 ⭐️⭐️⭐️⭐️
張貼
