盛寅慢煮製麵 (已結業)

朋友上星期食完番尋味，約咗我黎呢間#盛寅慢煮製麵 ，佢話餐廳是由日本人與本地人合作開設的，所有肉類都經慢煮處理，湯底洋蔥大蒜雞白湯，大地魚蝦米湯都是經老板改良，每日鮮製，食物美味，同埋價錢親民，咁一於跟佢去食番餐囉。我點了椒麻雞肉拌麵，大地魚蝦米湯，可選胸肉/髀肉，多/少麵，真係好啱我心水。我梗係點髀肉啦，很滑唔會韌，跟住飲埋湯先，很清甜，真係幾好飲☺️，椒麻撈勻油蕎麥麵很香口，店員提示可加桌面上的柚子醬油，更加夠味。老友食霸王雞湯麵🍜，配洋蔥大蒜雞白湯，我都即時呷啖，真係好飲，感覺很滋潤，真係會飲晒成碗湯㗎。套餐有埋野菌油菜，包飲品都只係$69，真係超值。小食點左日式醬煮牛筋，煮得很軟淋，醬汁好入味，又唔會覺得咸。