影片
更多
2017-10-23
69 瀏覽
駱駝漆大廈呢頭，成日都好熱鬧，地下有幾家大品牌開倉，好多港人或者遊客都會識嚟呢度掃貨。而駱駝漆大廈第三座，更加要成日排長龍等LIFT，皆因上面好多嘢賣，仲有好多食肆。中午見到人龍咁短，就上去行街食飯。行到四樓見有間西餐廳，門面夠大，以黑色為主色，帶點型格，原來主打慢煮烹調，我哋係食肉獸，梗係要試吓~座位都幾寛敞，坐得舒服。$88-158一個午市套餐，包一杯果茶同餐湯，免加一。另外可以半價加購其他飲品。夏日果茶係蜜桃茶，上面有兩片薄荷葉，蜜桃味幾香濃，但稍為偏甜。特製餐湯係南瓜湯，配左兩片蒜蓉多士! 南瓜湯係自家製，入口香滑又帶濃濃南瓜味，而且好夠熱，正!飲完個湯，兩個主菜好快就上枱。雖然係慢煮，但都唔駛慢慢等，好快就有得食。慢煮 厚切豬扒，配蘋果醬同香脆薯角$128。成塊豬扒鋪滿蘋果醬，而蘋果醬入面有好多粒粒蘋果肉，真材實料，入口帶點爽脆又唔會太甜，屬於微甜而不膩。係新鮮嘅蘋果味，而唔係合成味道。豬扒都幾大塊，係厚切。肉質有咬口，唔「嚡」，但又唔係嫩滑，只係合格。如果兩面煎到微脆，會更好食。慢煮 特級美國安格斯牛仔肋 那不勒斯意大利麵 $148，上面加左火箭菜。那不勒斯意大利麵主要係用
行到四樓見有間西餐廳，門面夠大，以黑色為主色，帶點型格，原來主打慢煮烹調，我哋係食肉獸，梗係要試吓~
座位都幾寛敞，坐得舒服。
$88-158一個午市套餐，包一杯果茶同餐湯，免加一。
另外可以半價加購其他飲品。
夏日果茶係蜜桃茶，上面有兩片薄荷葉，蜜桃味幾香濃，但稍為偏甜。
特製餐湯係南瓜湯，配左兩片蒜蓉多士! 南瓜湯係自家製，入口香滑又帶濃濃南瓜味，而且好夠熱，正!
飲完個湯，兩個主菜好快就上枱。雖然係慢煮，但都唔駛慢慢等，好快就有得食。
慢煮 厚切豬扒，配蘋果醬同香脆薯角$128。成塊豬扒鋪滿蘋果醬，而蘋果醬入面有好多粒粒蘋果肉，真材實料，入口帶點爽脆又唔會太甜，屬於微甜而不膩。係新鮮嘅蘋果味，而唔係合成味道。
豬扒都幾大塊，係厚切。
肉質有咬口，唔「嚡」，但又唔係嫩滑，只係合格。如果兩面煎到微脆，會更好食。
慢煮 特級美國安格斯牛仔肋 那不勒斯意大利麵 $148，上面加左火箭菜。那不勒斯意大利麵主要係用番茄醬烹調，入口酸甜，好開胃。
特級美國安格斯牛仔肋有四大條，份量好足，肉汁多，牛味特別濃。肉腍又有韌勁，帶一啲咬口，無渣，又唔會過肥。
附加飲品半價，叫左Mocha(hot) 加$19，咖啡味比朱古力味濃，冇拉花，有少少失望。
百幾蚊一個午餐SET，冇加一，仲有慢煮美食，價錢合理!
張貼
