阿久根和牛拉麵屋 (已結業)

呢一間舖頭，應該係拍得住慢煮工業嘅式慢煮拉麵店舖。同好幾個唔同朋友嚟食過，大家不約而同對每一種慢煮嘅肉類都有入口即溶，細嫩，多汁嘅口感。唔同肉類其實都好食，但如果要計好味程度，排名如下 ：和牛，豚肉，三文魚，雞肉（某程度上其實都同價錢成正比）。咁多種湯底之中，覺得濃蝦湯最好味，同埋同其他湯底嘅價錢差距唔算好大。服務方面，一男一女嘅侍應都好友善同埋醒目，而且餐廳提供酒精搓手液，紙袋俾你裝住口罩。不過，之前食過虎蝦配拉麵，感覺蝦肉就唔係處理得特別好食。但都有正常水準嘅發揮嫁！之前佢曾經為醫護人院做過Promotion, 有醫護證就送拉麵一碗。我覺得係良心本土小店！