MOZY Cafe & Bar

營業中

休息中

今日阿仔終於考完試，同老公要出去嘆下。🥂去銅鑼灣原本諗住去利園搵野食，但經過蘭芳道見到呢間餐廳裝修幾靚，可以俾我打卡，價錢亦合理所以見唔使等位一於去試吓，我一坐低唔使講咁多，點返兩杯酒嘆吓先，之後前菜點左澳洲牛肩肉配無花果多士 ，好濃郁嘅牛肉味道，配無花果好夾，前菜份量唔多啱啱好，另外蟹肉牛油果多士，我非常鍾意食，因為除咗蟹肉同埋牛油果之外，今年佢仲加咗少少生果令到感覺好清新，配埋卜卜脆嘅多士，真係好好味。主菜呢份蘋果木煙燻西班牙黑毛豬鞍扒絕對令我覺得驚艷，除咗上枱嘅時候會有乾冰嘅效果，打卡一流，慢煮豬扒好軟淋，仲有好重嘅煙熏味，真係好好味。另外要滿足男人每餐一定要有澱粉質落肚，所以點咗香煎帶子櫻花蝦意大利飯，我鍾意正宗嘅意大利煮法，軟硬到剛剛好，味味濃郁好味。輕輕鬆鬆食咗兩個幾鐘，今晚真係好relex好滿足。