慢煮工房 (已結業)

慢煮猶如潮流風尚一般，由餐廳大廚秘技到依家喺屋企只要有慢煮工具都可以做到。慢煮的而且確可以保持到肉質嫩滑，不過喺屋企煮飯但求快靚正，要用上以小時為單位的烹調方法對上班一族嚟講真係好難做到。好友介紹觀塘駱駝漆大廈的慢煮工房，謂慢煮主菜質素不俗。事實上我都好喜歡嘗試不同的樓上工廈餐廳，每每都可以帶來驚喜！平日晚上嚟到餐廳估唔到得番門口兩人枱，樂觀啲睇餐廳質素應該有咁上下先有咁多人。餐牌非常簡單，只有套餐冇散叫，有數款肉類慢煮菜式，亦有非慢煮的意粉及飯。餐廳免收加一，另叫餐茶半價。烤雞沙律中的烤雞略硬，入口有點柴皮，但牛油生菜很鮮嫩，挽回分數。南瓜湯很燙口，入口香濃幼滑。套餐設有夏日果茶，果茶味道不太甜，果味與紅茶味很平衡，未上主菜前已經喝完。餐廳用上開放式廚房，可以見到廚師剪大蝦蝦鬚蝦腳及煮意大利飯過程，滿心期待。烤大蝦青口海鮮意大利飯賣相不錯，大蝦青口竪起很有立體感。大蝦烤過帶有焦香味，蝦肉鮮甜彈牙，蝦膏甘香。青口用上本地貨式，肥大肉厚。意大利飯入口不太creamy，比一般的入口清爽。西班牙依比利豬鞍猶如羊架般用上雙骨，慢煮方法保持到內裡肉質嫩滑，入口無渣，豬鞍應該煮得差不多全熟，毫無生