影片
更多
2015-02-21
2346 瀏覽
寫食評寫咗五個月, 一直都想寫啲未有食評嘅餐廳, 希望可以為各位介紹一間新餐廳! 等網友睇嘅時候參考價值都大啲, 而黎緊就係情人節, 相信大家要絞盡腦汁, 諗吓去邊到慶祝, 又係考心思嘅時候喇 嘿, 男朋友就搵到呢間新得黎而位置又比較隱閉, 係工廈裏面以Slow cook做賣點嘅西餐廳 店名 C.O.W 係兩位老闆用佢地嘅小朋友個名拼出黎, 用意係想將鋪頭一代傳一代! 晚市暫時只接受預訂, 我地6:30黎到人流唔多, 播住純音樂感覺好輕鬆, 枱之間距離都幾闊, 傾計都好有私隱 今晚餐牌 客人book枱嘅時候可以同店員溝通吓想食啲咩菜式, 餐廳都會盡量配合睇完餐牌, 店員就為我地送上餐前小食 (3.5/5)用三種唔同顏色嘅意大利青瓜, 炒到軟身之後整齊排好, 放cream cheese係中間, 好似卷壽司咁卷實佢, 雪凍後切好上碟 芝士味唔濃, 咬兩啖先出cream cheese個香, 嫌淡味可以配側邊黑醋汁, 裝飾之餘又可以當醬汁食 自家制黑橄欖麵包 配橄欖油、意大利黑醋、牛油 (2.5/5)望落好似scone, 外層食落口感脆口中間就好軟, 唔知由幾時開始鐘意
嘿, 男朋友就搵到呢間新得黎而位置又比較隱閉, 係工廈裏面以Slow cook做賣點嘅西餐廳
店名 C.O.W 係兩位老闆用佢地嘅小朋友個名拼出黎, 用意係想將鋪頭一代傳一代!
晚市暫時只接受預訂, 我地6:30黎到人流唔多, 播住純音樂感覺好輕鬆, 枱之間距離都幾闊, 傾計都好有私隱
今晚餐牌 客人book枱嘅時候可以同店員溝通吓想食啲咩菜式, 餐廳都會盡量配合
睇完餐牌, 店員就為我地送上餐前小食 (3.5/5)用三種唔同顏色嘅意大利青瓜, 炒到軟身之後整齊排好, 放cream cheese係中間, 好似卷壽司咁卷實佢, 雪凍後切好上碟 芝士味唔濃, 咬兩啖先出cream cheese個香, 嫌淡味可以配側邊黑醋汁, 裝飾之餘又可以當醬汁食
餐前小食
63 瀏覽
0 讚好
0 留言
餐前小食
51 瀏覽
0 讚好
0 留言
望落好似scone, 外層食落口感脆口中間就好軟, 唔知由幾時開始鐘意食橄欖, 所以呢個包對我黎講有種特別吸引嘅味道, 淡淡哋嘅橄欖味, 就咁食都夠味, 又可以用麵包點其他菜式嘅汁, 咁就唔會做大晒鬼啦! 哈哈
黑橄欖麵包
72 瀏覽
0 讚好
0 留言
黑橄欖麵包
61 瀏覽
1 讚好
0 留言
雖然選用煙肉驚喜唔大, 但食落比起平時嘅鹹味冇咁重, 油份都唔係好多, 有種食豬肉乾嘅感覺. 香同脆, 慢煮甘筍嘅原來好爽口, 咬落去以為未熟, 但又無生食嗰種草腥, 怕食生甘荀嘅朋友一定食唔出啦! 菠菜葉好厚身每片都好新鮮, 口感似嫩葉但唔會生澀, 上碟時已經撈好嘅黑醋汁, 亦用黑醋做了個簡單嘅裝飾, 畫龍點睛
鮮嫩菠菜慢煮甘筍沙律 意大利煙肉和黑醋汁
68 瀏覽
0 讚好
0 留言
鮮嫩菠菜慢煮甘筍沙律 意大利煙肉和黑醋汁
82 瀏覽
1 讚好
0 留言
火腿卷住沙律菜, 切起上黎都好方便, 上面有焗過嘅脆煙肉粒粒同自家製醬汁, 味道唔會單一都唔錯, parma ham比平時食到嘅無咁鹹, 亦都幾易咬, 油脂黐咗係菜上面好香, 配埋香口乾身芝士, 成個口感好複雜好特別, 紅菜頭造型好似紫色啫哩, 水份好多閃令令咁, 而質感好嫩軟熟, 似啱啱切出黎咁, 夠入味
自家製醬汁凱撒沙律配慢煮紅菜頭和義大利巴馬火腿
60 瀏覽
0 讚好
0 留言
自家製醬汁凱撒沙律配慢煮紅菜頭和義大利巴馬火腿
38 瀏覽
0 讚好
0 留言
雖然呢款就淡啲, 不過有一種鮮魚同蝦味, 啲蝦好新鮮, 都幾爽口!
香濃海鮮清湯配甜蝦
55 瀏覽
0 讚好
0 留言
一上枱, 就聞到好香的蕃茄味, 個人鍾意蕃茄湯多啲, 酸酸甜甜好開胃! 望落去好清, 幾近無雜質嘅感覺, 後尾問過師傅先知制作過程都幾繁複, 煲完入雪櫃再拎出黎煲, 整走晒啲材料, 口感似水但味道好香濃, 簡簡單單一粒煎帶子 幾條蕃茄絲, 幾片菠菜葉作裝飾
清甜蕃茄清湯配帶子
55 瀏覽
0 讚好
0 留言
個皮幾爽, 配蠔餃嘅湯汁, 味道好鮮, 有少少蝦肉同其他海鮮, 多咗份口感, 因為要食埋啲湯, 所以成舊放入口個感覺好full好正! 味道又唔會好漏, 因為份量都幾大, 建議切走部分皮再食中間, 直接切嘅時候可能會走晒啲湯汁, 旁邊有青醬汁係用牛油果整成, 配少少松子, 都幾好味
自家製海鮮及蠔雲吞配意大利青醬汁
46 瀏覽
0 讚好
0 留言
自家製海鮮及蠔雲吞配意大利青醬汁
56 瀏覽
0 讚好
0 留言
選用嘅和牛脂肪分佈平均, 令食嘅時候肉汁豐富, 和牛連牛肝菌整成蓉, 味道更濃郁更香, 同之前嘅菜式一樣唔濃味, 而dough係用黑蒜整, 所以個皮帶少少甜香味, 伴碟一啲都麻夫, 有鮮蕃茄蓉, 慢煮韭菜花及煎得好香嘅蘑菇, 擺放日本風簡單又好睇!
自家製黑蒜餛飩配和牛及牛肝菌
44 瀏覽
0 讚好
0 留言
自家製黑蒜餛飩配和牛及牛肝菌
62 瀏覽
2 讚好
0 留言
切細份又會食到一絲絲嘅質感, 一大啖食又會試到糖心嘅感覺, 點食都咁正! 因為係慢煮, 所以温度要控制得好穩定, 而令到啲三文魚好腍好嫩口, 鬆散嘅肉質就好似係個口入面融化咁, 再煎過嘅魚皮, 一脆一嫩, 好正! 底下啲青瓜超爽口, 味道較淡, 可以用黎中和吓, 兩者一齊食口感都唔錯
慢煮挪威三文魚柳配配慢煮蒔蘿青瓜及檸檬乳酪
64 瀏覽
3 讚好
0 留言
慢煮挪威三文魚柳配配慢煮蒔蘿青瓜及檸檬乳酪
52 瀏覽
1 讚好
0 留言
慢煮法國鴨胸配燴紅棷菜, 蘋果西梅雲吞, 紅酒汁 (3/5)鴨胸肉好巨型同一般嘅印象好唔同, 肉質較實味道有啲羶, 切細份啲連埋紅棷菜食, 水分多啲香味亦可以更多, 另外又點可以唔提前面嘅西梅雲吞!! 用青蘋果切薄片, 中間包啲西梅蓉酸微微咁, 食完肉類做一個間斷, 迎接甜品
慢煮牛柳配荷蘭汁和朱古力芥末(3/5)牛柳感覺上口感同鴨胸有啲相似, 但就比鴨胸juicy 啲, 荷蘭汁係以薯蓉同青豆蓉整成, 牛柳嘅肉質同荷蘭汁嘅口感好配合, 多咗種層次, 除咗荷蘭汁, 仲有款朱古力芥末, 大廚話係諗咗好耐先諗到用朱古力混芥末, 一入口係朱古力嘅甜, 而去到喉嚨先有芥末嗰種辣! 怕食芥末嘅朋友可以一試!
慢慢食邊傾計都用咗三個鐘, 店員會留意我地嘅進度, 安排上菜時間, 甜品終於上場啦! 首先有梳乎厘, 新鮮滾熱辣, 食嘅時候記得細啖啲, 怕燙傷辣親! 味道不過不失啦, 蛋香都幾豐富!
第二Tiramisu, 好似岩岩做好嘅燉奶咁滑身, 中間嘅蛋糕切成粒粒, 吸收好吸收咗好多咖啡, 中和忌廉甜味
最後嘅生果, 有雪梨, 蘋果及蓮慕, 其中一款用咗slow cook煮過, 估到係邊款嘛? 嘿
係蘋果呵! 因為slow cook或者煮過嘅生果, 俾我感覺都會變淋, 但三款都好爽口, 唔知道隱藏住嘅蘋果經過數slow cook特別處理, 首先去皮切好, 放入慢煮機, 要煮好幾個鐘先令到蘋果中間變成糖心狀態, 但又好爽甜, 非常欣賞
平均消費$480~$520, 每位5道菜推介此餐廳 4.5/5 客人book枱嘅時候可以同店員溝道下想食啲咩菜式, 情況許可餐廳都會盡量配合
C.O.W. Dining
星期一至日: 11:00-16:00; 19:00-23:00
觀塘觀塘道396號毅力工業中心2樓F室
Tel: 3565 6814 (晚餐必須預先訂座)
張貼
