慢煮工業 (已結業)

呢間比較隱秘嘅黃店，行過外邊唔細心睇下都唔知道原來係一間餐廳，外邊睇以為收費好貴，但其實收費都算親民，而且仲唔駛加一TIM，同埋呢度嘅模式係先消費，後用餐，出去收銀比錢之後，等食物整好就會有侍應送上。全日早餐(安格斯牛扒)本身就想要龍蝦嘅，只不過太好賣龍蝦，所以就轉叫安格斯牛扒，呢個全日早餐入面有炒蛋、芝士焗啡菇、安格斯牛扒、沙律菜、茄汁豆、薯餅同埋多士，牛扒大約有八成熟岩岩好，牛肉味都幾濃。荔枝接骨木花梳打有大大粒荔枝，賣相相當唔錯。香茅蜜桃烏龍茶香茅味唔會好勁，飲落清清地，可以中和返全日早餐嘅油脂感。