影片
更多
2015-03-31
2811 瀏覽
難得同屋企人可以一齊食飯，我母親誠意拳拳話book 哩間私房菜，講到好似好正，咁就真係要試一試！我地預約左7點，準時到，咁就叫佢可以上菜啦！第一道菜，都黎得幾快，亦都係最好食嘅一道菜：皮脆肉滑再等左一陣就有第二，三道菜第二道：花蛋白蒸蟹，實不相瞞，以為最正哩道菜，點知。。中伏，蟹蓋浸左太多汁，酒味太重，令到啲蟹膏冇曬味，啲蟹肉就麻麻喇，可能唔當造啦，整體黎講唔得第三道：蒜蓉蒸元貝，不過不失，但蒸得耐左少少，所以有少少老，不過都有鮮味，不錯！第四道：蟹肉扒金山勾翅，翅，我一向都唔太大興趣，但哩次有少少驚喜，平時啲飲宴，啲翅係勁唔吸引架，但哩碗就有所唔同，個湯底係我食過咁多黎講，都算係幾好味，至少唔係味精湯第五道菜：蒸海斑，所謂嘅蒸海斑，真係令人大失所望，啲肉質唔滑，仲要食落有啲怪味第六道：三式蝦，分別有黃金蝦，鼓油王蝦，蝦丸，個黃金蝦，真係不得了，食落去啲肉唔新鮮，黃金蝦嘅精髓就係包住佢嘅蛋黃，但佢係完全冇味，我屋企樓下間大排檔仲整得好食過佢好多，反而個鼓油王就唔錯，幾入味，個殻都幾脆口最後，炒飯：不過不失，唔太油其實中間仲有啲菜式冇post到，由於第五道菜開始就令我不耐煩，因為之後嘅菜
我地預約左7點，準時到，咁就叫佢可以上菜啦！第一道菜，都黎得幾快，亦都係最好食嘅一道菜：皮脆肉滑
再等左一陣就有第二，三道菜
第二道：花蛋白蒸蟹，實不相瞞，以為最正哩道菜，點知。。中伏，蟹蓋浸左太多汁，酒味太重，令到啲蟹膏冇曬味，啲蟹肉就麻麻喇，可能唔當造啦，整體黎講唔得
第三道：蒜蓉蒸元貝，不過不失，但蒸得耐左少少，所以有少少老，不過都有鮮味，不錯！
第四道：蟹肉扒金山勾翅，翅，我一向都唔太大興趣，但哩次有少少驚喜，平時啲飲宴，啲翅係勁唔吸引架，但哩碗就有所唔同，個湯底係我食過咁多黎講，都算係幾好味，至少唔係味精湯
第五道菜：蒸海斑，所謂嘅蒸海斑，真係令人大失所望，啲肉質唔滑，仲要食落有啲怪味
第六道：三式蝦，分別有黃金蝦，鼓油王蝦，蝦丸，個黃金蝦，真係不得了，食落去啲肉唔新鮮，黃金蝦嘅精髓就係包住佢嘅蛋黃，但佢係完全冇味，我屋企樓下間大排檔仲整得好食過佢好多，反而個鼓油王就唔錯，幾入味，個殻都幾脆口
最後，炒飯：不過不失，唔太油
其實中間仲有啲菜式冇post到，由於第五道菜開始就令我不耐煩，因為之後嘅菜，都要等成半個鐘先黎，所以我已經冇曬心機，成餐飯我由東張西望睇到去以和為貴，我先至食曬所有菜！其實所謂嘅私房菜根本就係酒樓嘅菜式而係一棟唐樓裡面食！冇咩驚喜之餘，仲要為左就個廚師可以同步上菜俾其他客，我由7點食到差唔多10點，一餐原本1個鐘就可以完成，宜家要我浪費多差唔多兩個鐘，如果佢啲野食係整得特別好食，我覺得值得等，但哩間真係冇下次！
張貼
