鴻星中菜 (格蘭中心) (已結業)

早幾日喺呢區搵地方食晚飯, 諗黎諗去都冇咩頭緒, 又唔知食中餐好定西餐好, 日本菜好泰國菜好? 最後諗左一陣決定黎呢間食店, 皆因佢出名得黎師傅又從來都未試過呀!入到去, 都幾靜; 伙計安排入座, 一坐底師傅即刻睇下有咩好食啦, 好似都幾多選擇咁喎, 兩口子商量左一陣, 既然黎到, 決定食好d! 最後柯打左一人一盅雞絲翅, 一人一隻蟹粉小籠包, 燒腩仔, 咕嚕士多啤梨黑豚肉同埋腐乳唐生菜!等左一陣率先登場嘅係雞絲翅, 先講下個湯底, 非常清甜, 一d味精都冇, 而翅嘅份量好多, 加上煲得好腍, 正呀, 反而就係雞絲比較乾同鞋, 但整體真係唔錯; 蟹粉小籠包都幾大隻, 個皮唔算特別薄, 但又一d都唔韌, 而餡內好多湯, 加上食到蟹粉, 唔錯; 而燒腩仔就真係非常之差, 皮唔脆肉唔嫩, 仲有d梅梅地, 唔得; 咕嚕士多啤梨黑豚肉簡單d黎講即係咕嚕肉, 不過係豬肉靚d, 加上炸粉唔多, 入口唔會成口油, 而個咕嚕汁又煮得酸酸甜甜, 加上有少少士多啤梨, 真係幾好味; 而腐乳唐生菜又係煮得啱啱好, 味道唔會過濃過咸, 一流!總括黎講食物質素都幾得, 環境都幾舒服, 加上人唔多, 清清靜靜, 而