聖安娜餅屋

營業中

休息中

好難得有兩星期大假，不過，公司嘢就要靠啲同事頂晒啦，所以，就打算晌放假前一日買啲下午茶慰勞吓同事，咁啱見聖安娜有隻「全新推介」嘅「香濃石板街卷」和「宇治金時卷」，睇落幾特別，再望望名牌中嘅簡單描述，香濃石板街卷：「香濃朱古力蛋糕內，濃郁朱古力忌廉夾著軟綿棉花糖及迷你麥提莎」，宇治金時卷：「綿綿紅豆及香滑忌廉配香濃抹茶味道」，覺得前者較有趣，就買咗前者作為是日下午茶。香濃石板街卷 $39咪睇佢件頭細細，原來都幾墜手，我哋成公司得4丁友，當然叫店員預先幫手將卷蛋一開四，故此大家都分得幾大件架。朱古力海棉蛋糕部份做得幾軟綿，質感鬆軟，朱古力味道挺濃，而夾晌中間嘅朱古力忌廉，打得很幼滑，朱古力味同樣突出，又唔喺太甜，而忌廉內確實食到唔少迷你棉花糖及迷你麥提莎，令整體再多添一份有軟又有脆嘅口感，若能夠做到棉花糖及麥提莎都平均分佈，咁就更完美喇。自家沖杯咖啡，嘆著件石板街卷，基本上工作嘅事情已拋諸腦後，想嘅都喺旅行之事吧！