影片
更多
2017-06-10
425 瀏覽
完sem梗係要去食餐好既慰勞下自己我同男朋友鍾意放題，咁梗係去旺角兆萬啦，最多選擇既😍行到三樓見攰又咁啱有間放題，就直接入左去。當日係平日夜晚，冇乜人，所以都即刻有位，我地兩個人但都有得坐卡位，又大又舒服，叫起野上黎唔洗就住就住啦😆😛 一坐底，我就即刻睇下有咩食啦，見到本簿勁厚，有A至K，有好多魚生款啊前菜沙律啊，仲有熟食天婦羅甜品，總之想食既都有齊哂👍 男朋友仔仲特登加左升級，多左個升級刺身。呢度仲有得自己燒海鮮，例如青口生蠔清酒煮蜆😍仲有鮑魚個啲但就要另計，所以我地都冇叫啦🙈而男朋友仔就好貪玩，係咁揀磯燒既野食，即係擺啲海鮮係個爐上面燒，啲生蠔好好味，食極都唔夠喉🙈煮蜆既份量好足，而且夠濃清酒味。青口好肥美，唔錯👌野飲雪糕就自己出去拎既，都好多選擇，有韓國乳酸果汁汽水菊花茶啊～ 我就最鍾意生冷野同炸物既，所以一黎就已經叫左好多魚生，有三文魚吞拿魚鯖魚北寄貝帆立貝，好多好多，都幾新鮮，三文魚就有啲薄，不過其他都好厚😋而且夠凍啊！唔怕天氣熱食壞肚啊嘛😉之後啲炸物真係幾正👍因爲全部上黎都係熱既辣口🙈而且粉又唔多，料又足，最鍾意就係個炸蝦同炸南瓜haha😛 不得一提既係，御八幡屋啲人既態度
我同男朋友鍾意放題，咁梗係去旺角兆萬啦，最多選擇既😍行到三樓見攰又咁啱有間放題，就直接入左去。當日係平日夜晚，冇乜人，所以都即刻有位，我地兩個人但都有得坐卡位，又大又舒服，叫起野上黎唔洗就住就住啦😆😛
一坐底，我就即刻睇下有咩食啦，見到本簿勁厚，有A至K，有好多魚生款啊前菜沙律啊，仲有熟食天婦羅甜品，總之想食既都有齊哂👍 男朋友仔仲特登加左升級，多左個升級刺身。
呢度仲有得自己燒海鮮，例如青口生蠔清酒煮蜆😍仲有鮑魚個啲但就要另計，所以我地都冇叫啦🙈
而男朋友仔就好貪玩，係咁揀磯燒既野食，即係擺啲海鮮係個爐上面燒，啲生蠔好好味，食極都唔夠喉🙈煮蜆既份量好足，而且夠濃清酒味。青口好肥美，唔錯👌
野飲雪糕就自己出去拎既，都好多選擇，有韓國乳酸果汁汽水菊花茶啊～
我就最鍾意生冷野同炸物既，所以一黎就已經叫左好多魚生，有三文魚吞拿魚鯖魚北寄貝帆立貝，好多好多，都幾新鮮，三文魚就有啲薄，不過其他都好厚😋而且夠凍啊！
唔怕天氣熱食壞肚啊嘛😉之後啲炸物真係幾正👍因爲全部上黎都係熱既辣口🙈而且粉又唔多，料又足，最鍾意就係個炸蝦同炸南瓜haha😛
不得一提既係，御八幡屋啲人既態度真係好好👍一入黎既時候，本身坐近門口卡位，之後話有位，所以搬左我地入窗位，好有私隱，食得幾豪放都不怕😂而且燒野個陣，啲侍應會係咁走過幫我地睇下熟未，又會幫我地攪下佢，完全唔洗點落手～
等緊野食個陣，我就出去攞野飲，順便睇下佢廚房環境點，都幾企理👍啲魚生會放係冷藏櫃到，而且啲師傅都會帶口罩手套，見到衛生情況ok食都食得安落啲啦😂仲有啲垃圾兜啊盤啊都有姐姐清得好快，唔會積係到，如果唔係見到都食唔落🙈
一round食完好快有第二round既野到，有好多精選卷物揀，例如油甘魚、赤蝦、虎蝦，同埋花之戀、芥末八爪魚軍艦、海膽三文魚手卷、仲有佢地自家既鰻魚八幡卷😋全部味道都唔差👍
食到幾飽點都要食埋甜品😍佢甜品都幾多架，有原味朱古力味士多啤梨味三種泡芙，有brownie，有櫻花奶凍🍶仲有時令水果，今次就係西瓜🍉超甜好味！雪糕就普通既雀巢細細杯，有vanilla同芝麻，同埋牛奶公司雪糕條🍦我都食左兩杯🙈
呢間日本放題整體黎講都唔錯，又幾多選擇😛
張貼
