甜牙牙 (已結業)

行街行到攰有的肚餓約咗朋友晚飯又未夠鐘，見到甜牙牙諗住食碗岀前一丁麵點知一坐低妹妹同我講唔好意思岀前一丁賣晒！我問咁乜嘢麵都冇？妹妹話有呀辛辣麵，好我就要一個下午茶餐餐肉辛辣麵因為我都冇睇餐牌，冇諗過有咁多嘢！講真的麵唔係正式韓國麵，但味道幾好喎，蛋亦煎得剛好，麵包係即烘的！要讚這個餐是有用心機煮的。還送了一杯柚子紅茶，這個就算吧！好像茶餐廳一坐低送上那杯茶一樣沒味道的！最後點解係慳家之選呢？大家估下幾錢？眼都突埋岀嚟，係24蚊，抵抵抵！！