悠蔬食 (渣甸中心) (已結業)

元旦前夕與友人共享晚餐、無論中菜或西菜、大時大節一律指定套餐、都好呀、適合我嚟D懶人唔想諗食咩！前菜青芒合桃紅菜頭蘋果沙律賣相紅紅綠綠、非常吸引。食落爽爽脆、勁有嚼口、是一道健康沙律。法式焗栗子磨菇粟子味道並不突出、中規中矩手卷蘆筍素香鬆苜蓿芽手卷苜蓿芽獨有的香味我好喜歡。材料的青瓜、蘆筍、苜蓿芽和紫菜非常新鮮和爽口、口感豐富。不過這個要快食、因怕紫菜變淋了。湯品茶樹菇黄耳燉湯料足、湯底清甜、有益補身。主食黑椒百靈菇扒拌焗釀新薯及燒意大利鮮菜嘩！這個不得了、那兩塊百靈菇基乎大過我手掌、好入味、厚肉、食落好有質感。薯仔用了芝士釀焗、香濃的味道好滋味。甜品特濃朱古力暖布甸伴雲呢拿汁有點似心太軟、朱古力極濃、合我胃口。飲品聖誕新年特飲（含有什莓、紅莓汁、蘆薈、梳打水）這個清清甜甜、如果鮮果汁或蔬菜汁就更完美。過時過節只三百元左右、食物又OK、去邊度揾呀！