紫荊大酒樓 (已結業)

雞球大包 ~ 第一次食呢個點心 , 難得爸爸有雅興叫左一個 黎就試下啦 , 原來入面d餡有蛋﹑磨菇﹑豬肉同雞肉等咁豐富 , 味道幾清淡。 豆沙煎堆 ~ 好似唔夠煙韌 , 不過豆沙餡唔太甜食落都接受到。 羅漢齋腐皮卷 ~ 呢個只係我點錯左 , 本身以前係煎個d腐皮卷 , 但係錯有錯著又幾好食 , 蒸腐皮包住d雜豆﹑南瓜絲同椰菜 , 感覺上似鮮竹卷咁 , 好味道之餘仲要係特價點心 , 下次都一定點返黎食呀。