道頓堀御好燒專門店 (荃灣廣場) (已結業)

朋友生日，今日去了荃灣道堀食大阪燒。前幾個月已經想食，去咗尖沙咀分店，但六點幾已經超多人，所以今次去荃灣店。打電話問過只有六點半可以預訂，最後決定walk in。七點鐘嚟到冇咩人，仲可以所有人入咗去先開始計時90分鐘。我哋三個人點左個二人餐，有一個大阪燒，一個御好燒，一個沙律和同燒牛肋肉。煙肉沙律上的煙肉要先燒30秒，然後先放上沙律上一齊食。沙律菜爽脆新鮮，但醬汁太多，味道有點濃。餐廳有整唔同燒餅既說明字卡（附圖片）非常貼心。整大阪燒時，唔知幾時落海鮮，服務員都好好人，幫我地整左一般，之後在教我地點整埋佢。自己可以根據需要落醬汁，完全自己控制。大阪燒味道不錯，我地都整得好成功，完全無失手。不過再整御好燒，就發覺味道和大阪燒差不多，都係用相同醬汁，驚喜欠奉。所以自制大阪燒，其實玩一兩次就夠，如果餐廳有多d其他食物選擇就更加好，唔會食極都一樣味😅綠茶雪糕🍦唔夠綠茶味，而且好冰，不夠軟滑。