Lo Spazio (已結業)

上週契妹壽辰，其兄長特意買下「Lo Spazio」o既團購優惠與幾位好友食飯慶祝。餐店門外擺有咭片及午、晚市o既餐牌供食客參考。店內全為高櫈散座。一角為水吧。另外一角則為開放式廚房。吧頂可見幾隻貓頭鷹擺設。桌上卻擺出可愛o既財神公仔，似乎係想中西合璧。XO仔慣性早到，服務生見狀亦即時送上餐牌、溫水及麵包，認真體貼。壽星女一到步，二人就先叫咗枝汽酒慶祝一番。其後點餸亦由女主角全權負責。粒粒蕃茄配脆香麵包（$68）：蕃茄頭盤香脆濕潤，輕巧醒胃。烤凱撒沙律（$118）：沙律極之爽脆香濃，個人只係略嫌撈入得太多魚。白酒蒜蓉牛油汁煮青口（$158）：青口肥潤甘醇甜美，極啱細佬口味！香烤排排坐八爪魚腳（$98）：依味係契妹個哥哥堅持要試o既一味，好明顯係因為個名夠搞鬼，不過細佬唔多好八爪魚，所以冇試。茄汁配誠意手製肉丸義大利腸（$88）：手製肉丸鬆軟可口，個茄汁又唔會過酸，真係相當唔錯。反而個義大利腸就唔係話咁有特色囉。香煎帶子（$208）：帶子外脆內軟嫩，新鮮清甜，實在爆！黑松露野菌闊意麵（$208）：闊條意粉煙煙韌韌，松露野菌芬芳濃郁，忌廉汁份量恰到好處，食落一啲都唔溜，簡單美味。伏特加通心粉