香港烏賊中心 (已結業)

早兩天已提前打去訂座, 到步入門就見到一個海鮮池, 望到烏賊游來游去已急不及待落單, 誰不知菜單都係日文寫, 只有部門有繁體翻譯, 見食評寫食餐抵啲, 我地就點了一個$798一位既套餐, 另每位加$100有烏賊刺身, 先黎就係刺身併盤, 有池魚, 獅魚, 中拖羅, 金目鯛等等, 當然唔少得烏賊, 上碟時仍然郁緊, 好生猛, 口感軟滑入口鮮甜, 拖羅肥美但有少許根; 生蠔係另一主角, 一共有三種食法, 包括生吃, 清酒蒸及吉烈, 最特別就係清酒蒸, 服務員送上gas爐, 用鐵盒放入蠔同清酒, 五分鐘左右就係你面前即開即食, 清酒同蠔可謂絕配, 散發酒香之餘又無蓋過蠔既鮮味, 其餘清蒸龍蝦,海膽凡立貝同燒魚頭就無乜特別, 不過不失, 最後甜品前可選擇昆布茶漬飯或什錦壽司, 埋單盛惠$1100位, 價錢算係配合食物質素。