勝八居酒屋 (已結業)

靚靚舞伴壽辰，週五晚舞會前XO仔就孖佢另外位靚仔愛將一齊請食飯。深知舞后愛食日本料理，不必費神，地點小肥自然就揀去自己相熟o既「勝八居酒屋」！話明係慶生，當然係唔少得靚酒啦，迷你兵兵見狀亦不禁尖叫起黎：「Kampai！Kampai！」華老闆見大家咁興奮，三口子點食物前仲先送贈清新爽脆o既沙律，認真客氣。松露油深海池魚薄切（$158）：薄薄o既深海池魚油潤軟韌，師傅簡單以松露油調味，芳香得黎又不失魚肉本身o既鮮甜，壽星女邊食邊讚有驚喜，掂呀！日本生蠔（$58/隻）：肥厚o既生蠔潤滑無比，入口更覺鮮香甜美，簡直係冇得彈。自選二人前刺身拼盤（$792）：三人因飯後已計劃好去跳舞，舞前亦不想過份進食，故刺身拼盤最終都係選擇共享二人前份量。老闆深知細佬口味，拼盤中五款魚材，即眼仁奈、芝麻鯖、金目鯛、帶子及拖羅，均由其代勞精挑。刺身高質鮮美，口感及味道都各有特色，眼見舞友都食到咪哂眼、點哂頭，即係好滿意啦！燒太刀魚（$98）：鹽燒太刀魚幼嫩鮮濃，大家記緊要襯熱食方才最美味。鹽燒三文魚皮（$48）：三文魚皮香口脆薄，兼惹味非常，送酒超！炸雞軟骨（$58）：炸雞軟骨乾巧得黎卜卜脆，最啱細佬口味。蝦天婦