The Glass (已結業)

九龍灣最近開咗間高質餐廳餐廳嘅裝潢好瑰麗高雅戶外位置都佈置得好靚餐廳內有好啱打卡嘅鳥籠卡位𝗧𝗼𝗺𝗮𝘁𝗼 𝗯𝗿𝘂𝘀𝗰𝗵𝗲𝘁𝘁𝗮 $𝟵𝟴一份有四件，佢係一道好特別嘅頭盤，將醃製過嘅蕃茄粒鋪喺酸種麵包上面，口感好有層次，味道酸酸甜甜，十分開胃。𝗦𝗮𝘂𝘁𝗲𝗲𝗱 𝗰𝗹𝗮𝗺𝘀 $𝟮𝟲𝟴份量都幾多，蜆肉好鮮甜肥美，食落完全無沙，非常高質。醬汁以蕃茄為主去烹調，同蜆肉嘅味道幾夾。𝗣𝗿𝗮𝘄𝗻 𝘇𝘂𝗰𝗰𝗵𝗶𝗻𝗶 𝗳𝗲𝘁𝘁𝘂𝗰𝗰𝗶𝗻𝗲 $𝟮𝟴𝟴意粉好足料，落咗好多隻大蝦。大蝦鮮甜彈牙，肉質實正。扁意粉嘅熟度煮得恰到好處，食落好彈牙，亦都好掛汁，非常美味。𝗦𝗹𝗼𝘄-𝘀𝗺𝗼𝗸𝗲𝗱 𝗽𝗼𝗿𝗸 𝗿𝗶𝗯𝘀 $𝟮𝟴𝟴慢煮過嘅ribs喺上菜時已經好香，食落都幾濃煙熏味。Ribs嘅肉因為慢煮過，所以好軟綿，配埋秘製醬汁食道完美。𝗥𝗲𝗹𝗮𝘁𝗶𝗼𝗻 $𝟵𝟴呢款主要以餐廳homemade荔枝果汁為主調，再混合咗橙汁、梳打水，上層再配以蝶豆花令到有兩層唔同顏色，非常有夏日氣息！飲落荔枝味香甜。𝗟𝗶𝗽𝘀 𝗼𝗳 𝗮𝗻 𝗔𝗻𝗴𝗲𝗹 $𝟵𝟴呢款混合左玫瑰、桃汁、日本蘋果汁、梳打水。飲落帶有玫瑰花香，桃汁混埋蘋果汁🍹好夾，甜甜地。