影片
更多
2021-10-09
833 瀏覽
好多人推介大時大節一定要黎黎間餐廳食飯，於是今年生日我地都book左mortons of chicago試下。餐廳嘅驚喜位會喺餐牌上面寫低慶祝生日嘅字句，仲有個名添㗎！各位男士想同女朋友慶祝生日可以參考吓喇！之後嘅驚喜係一浪接一浪。首先上嘅係洋蔥包。大家平時食西餐最怕就係食唔飽，但係呢度絕對唔會有問題。洋蔥包就已經好大份，如果食咗成個，你之後塊牛扒就浪費晒啦。洋蔥包上嚟嘅時候熱辣辣，外層有少少鬆脆，味道鹹鹹地，仲配有淡淡嘅洋蔥香。食得咁貴都唔會介意食得邪惡啲，麵包配自家製嘅牛油，真係好好食㗎，牛油好香，令到個麵包提升咗一個層次。之後職員就會幫你同你嘅另一半影返張靚相，一陣間會送張相俾你㗎！上面亦都會有唔同員工嘅簽名同祝福。我哋個套餐亦都包埋頭盤，大家可以揀沙律或者餐湯。我哋就揀咗龍蝦湯喇。幫我開湯嘅size睇落唔算好，但係大家試過就知其實好飽肚。龍蝦湯味道好濃郁，唔會有浸燶味，口感亦都creamy。湯入面仲有舊龍蝦肉，龍蝦肉一啲都唔霉，依然做到彈牙爽口。大家仲可以配洋蔥包，薄薄嘅洋蔥香配濃厚嘅龍蝦湯，真係不知不覺會將成個麵包食晒。終於嚟到等咗好耐嘅主菜部份。牛扒方面我哋就揀咗免翁牛柳。
之後嘅驚喜係一浪接一浪。首先上嘅係洋蔥包。大家平時食西餐最怕就係食唔飽，但係呢度絕對唔會有問題。洋蔥包就已經好大份，如果食咗成個，你之後塊牛扒就浪費晒啦。洋蔥包上嚟嘅時候熱辣辣，外層有少少鬆脆，味道鹹鹹地，仲配有淡淡嘅洋蔥香。食得咁貴都唔會介意食得邪惡啲，麵包配自家製嘅牛油，真係好好食㗎，牛油好香，令到個麵包提升咗一個層次。之後職員就會幫你同你嘅另一半影返張靚相，一陣間會送張相俾你㗎！上面亦都會有唔同員工嘅簽名同祝福。
我哋個套餐亦都包埋頭盤，大家可以揀沙律或者餐湯。我哋就揀咗龍蝦湯喇。幫我開湯嘅size睇落唔算好，但係大家試過就知其實好飽肚。龍蝦湯味道好濃郁，唔會有浸燶味，口感亦都creamy。湯入面仲有舊龍蝦肉，龍蝦肉一啲都唔霉，依然做到彈牙爽口。大家仲可以配洋蔥包，薄薄嘅洋蔥香配濃厚嘅龍蝦湯，真係不知不覺會將成個麵包食晒。
終於嚟到等咗好耐嘅主菜部份。牛扒方面我哋就揀咗免翁牛柳。食肉獸或者budget鬆動d嘅朋友都可以選擇其他牛肉，呢度嘅牛扒絕對係信心保證。免翁牛柳其實就係牛柳嘅中心位。店員推介我哋食medium rare，牛柳外皮經過燒烤，有淡淡的焦香。肉質好嫩滑，牛味來講一定冇其他部位咁豐富，如果有汁就更好喇，但整體而言都相當出色。
除咗牛扒我哋都揀咗龍蝦尾同蟹餅。龍蝦尾肉質非常彈牙，size十足，大廚已經好好幫我哋起咗肉，仲配有非常邪惡嘅牛油汁，令到龍蝦肉更加之鮮甜同juicy，但都真係好邪惡啊。
蟹餅亦都係另外一個推介嘅嘢食。蟹餅十分之足料，離遠睇已經見到好多蟹肉絲，唔會話係溝咗其他材料入去。蟹味鮮甜濃郁，配埋個醬都唔會覺得膩。
另外每人都包一份配菜。我哋分別就揀咗松露薯條同珍寶蘆筍。薯條除咗有松露，亦都有巴馬臣芝士，炸嘅時間溫度啱啱好，薯條出嚟唔會油，亦都好酥脆。份量好大我哋兩個人都食唔晒。
珍寶蘆筍好嫩唔會有渣。份量都好多，一疊有成六七條，唔好以為佢好大條就會好老，大家對蘆筍有愛都可以食㗎。
甜品方面我哋揀咗signature chocolate cake同埋 crème brûlée。朱古力蛋糕其實就係心太軟，但個人認為味道麻麻，蛋糕有少少overcook，雖然仲有keep住流心，但口感有啲實。白雪糕味道就唔錯喇一凍一熱嘅配搭都OK嘅。焦糖燉蛋表面就好酥脆，但係味道方面都好美式風格，就係有啲太甜啦。有蛋香，但整體唔算太特出。
因為生日嘅關係佢哋有另外送一個疏乎厘。而我覺得疏乎厘比上面兩款甜品好味，口感豐盈，有少少嘅蛋香味，亦比較冇咁甜。
總括嚟講嚟呢度慶祝特別日子係一個唔錯嘅選擇，女朋友就嚟生日嘅男士可以參考吓啦。而男朋友就嚟生日嘅女士你可以睇吓叫邊款牛扒俾男朋友啦，留住個心都要留住個胃㗎嘛！
張貼
