影片
更多
2022-08-10
29 瀏覽
努力係唔會白費㗎！前排M佬日日OT，見面嘅時間少咗好多，好彩終於捱到升職，所以決定豪少少，請佢食最愛嘅日本燒肉啦！嚟到位於屯門嘅日本燒肉店：燒肉 焰，呢度嘅和牛都係由鹿兒島同北海道引入，價錢唔貴，性價比超高呀！椰菜沙律一坐低就會先上一大碟椰菜沙律，份量十足，除咗可以解去燒肉嘅油膩，更重要係每日都要食啲菜㗎！餐廳店員服務非常周到，不時主動更換燒板，仲會協助我哋燒烤，令燒肉嘅味道呈現最佳狀態。名物！菠蘿漬鑽石和牛胸腹肉和牛胸腹肉充滿肉味，肉質軟腍，而且配有成個菠蘿一齊燒，非常抵食！菠蘿燒完後變得更甜更juicy，簡直食唔停口。特上牛小排（汁燒）肉質嫩滑，油脂分布平均，入口即溶，絕對係我哋嘅推介首選！味噌醬燒和牛肩肉芯牛肩芯油脂較少，肉味比較濃，食完口腔會充滿住濃郁嘅牛肉味。員工會主動過嚟幫你燒，燒完會捲起俾你，服務一流！旨肉！黑毛和牛三筋（鹽燒）牛三筋係油脂比較少嘅部份，食起上嚟比較有咬口，但肉味絕對係最濃郁嘅選擇。厚切鑽石牛舌牛舌爽口彈牙，而且呢個厚度適中，唔會因為太厚而變得過韌，加上肉味濃香，係另一必食推介！幸福！生蛋拌飯配漬海苔海苔加醬汁撈飯已經夠好食，加上生雞蛋真係錦上添花，好幸福
椰菜沙律
一坐低就會先上一大碟椰菜沙律，份量十足，除咗可以解去燒肉嘅油膩，更重要係每日都要食啲菜㗎！餐廳店員服務非常周到，不時主動更換燒板，仲會協助我哋燒烤，令燒肉嘅味道呈現最佳狀態。
名物！菠蘿漬鑽石和牛胸腹肉
和牛胸腹肉充滿肉味，肉質軟腍，而且配有成個菠蘿一齊燒，非常抵食！菠蘿燒完後變得更甜更juicy，簡直食唔停口。
特上牛小排（汁燒）肉質嫩滑，油脂分布平均，入口即溶，絕對係我哋嘅推介首選！
味噌醬燒和牛肩肉芯
牛肩芯油脂較少，肉味比較濃，食完口腔會充滿住濃郁嘅牛肉味。員工會主動過嚟幫你燒，燒完會捲起俾你，服務一流！
旨肉！黑毛和牛三筋（鹽燒）
牛三筋係油脂比較少嘅部份，食起上嚟比較有咬口，但肉味絕對係最濃郁嘅選擇。
厚切鑽石牛舌牛舌爽口彈牙，而且呢個厚度適中，唔會因為太厚而變得過韌，加上肉味濃香，係另一必食推介！
幸福！生蛋拌飯配漬海苔
海苔加醬汁撈飯已經夠好食，加上生雞蛋真係錦上添花，好幸福啊！
巨峰提子乳酸梳打 & 原味活乳酸梳打
酸酸甜甜嘅巨峰提子同乳酸十分清爽解渴，飲完之後可以嗌多兩碟肉嚟燒添！
張貼
