小肥羊 (已結業)

慣常提早或之後慶祝生日或特別節日，咁啱父親節前有個端午節假期，咁就約咗一家五口去飲下午茶，阿媽就提議小肥羊，下晝兩點就上去攞位飲茶。下午茶有分自助任點(@$48位)或套餐(@$43位)或散嗌。鑑於家人食量不是很大(雖然早餐過後再沒有食嘢直至飲茶)，所以叫咗套餐(每位可叫3款點心或炒粉麵)，共15款。15款都在水準以上，所以只選取較出色的食物作介紹：羊肉春卷及蒜香春卷 - 兩者都是新鮮即炸，並非炸定叮熱俾客人，所以春卷裡面是超熱，比其他店舖的春卷熱很多(本人喜歡食熱嘢，所以超Happy)，羊肉應有的羶味還在，但不算太強。正羊肉生煎餅 - 與平時的生煎餅無分別，只是裡面包著的是羊肉，出色的地方在於是新鮮煎出，上枱時外面熱，裡面仲熱，並且裡面的肉汁超多，好鮮味(與九龍城清真牛肉餅可比美)，一不留神，肉汁就會四噴，無晒D汁，極力推介！炸兩 - 父親大人至愛，所以叫咗。舊油炸鬼仲好脆，腸粉皮又唔算厚，做得比好多茶樓出色。XO醬炒牛河 - 下午茶的緣故比平時細碟，但每人都可以起碼有半碗食，XO醬唔算好辣，但肯定落足XO醬，食到蝦米，瑤柱...羊肉包 - 一籠兩個包，看似size大，但裡面的羊肉也不