彩晶軒 (已結業)

慶祝父親節,一家人去了酒樓食飯,要坐到多人又要豪食仲要岩食都真係得酒樓,去開都係呢間最就腳,因為老豆鐘意食龍蝦,叫左個波士頓龍蝦伊麵,好多肉,夠新鮮又爽口,伊麵夠入味好食呀。見到推介魚籽海膽釀魯蛋,好特別既菜式,聽講仲要唔係晚晚都有,我諗似乎咩日子同海膽夠唔夠新鮮先有,真係講彩數,大家都係鐘意試新野之人,即叫,有魚子同海膽好名貴,海膽都夠鮮味唔腥,夠特別我鐘意。珍珠雞,最近次次去酒樓都食到一大籠上既珍珠雞,都幾好食,糯米飯香噴噴夠軟綿,咁袖珍都足料果下先正。凡係時節酒樓必有壽包出現,呢次都唔例外,不過我地一家好鍾意食壽包,當飯後甜品呀。以上果D一定清盤,名貴野又好食,仲叫左好多野食...太滿足了,不過最開心都係大家可以抽到時間一齊食飯,見下面。