影片
更多
2020-07-03
98 瀏覽
好難得一家一齊慶祝父親節！之前睇到社交平台介紹好似幾正咁...又有打邊爐、刺身，中日放題，啱晒唔同口味諗住好多人會預祝父親節，所以一早book定位，食星期六最早個場5點，收費$188加一，入場前要先揀定火鍋湯底，我地揀咗芫茜皮蛋，坐低後湯底都幾快送到。火鍋料用QR Code落單，非常方便，火鍋料種類不太多，但有連殼帆立貝，急凍生蠔同蜆。自助區有大量蔬菜及丸類，比較特別嘅係火鍋料有小籠包😂，我都有叫兩粒試吓，同蒸個d冇咩分別。肉類方面，牛我只點牛肩胛，但頭兩次嚟嘅應該都係普通肥牛，唯獨有一次嚟嘅牛，紋理同之前嘅唔同，估計只係有一次送咗牛肩胛嚟。刺身（當日有7款）每次只限攞3款...其實都ok，食完先再攞，不過到我差不多食完先見工作人員切緊原條吞拿魚，到最後係食唔到嘅...個人認為赤蝦唔錯，好爽口。同爸爸食飯一定要搵間有啤酒飲嘅，呢間有韓國罐裝啤酒，滿足到老豆，仲有Somersby蘋果酒任飲，啱哂女仔飲！本身想飲吓梅酒同清酒，可惜清酒杯同壺一早俾人攞哂...冇fill番。係自助區攞咗小小熱食，茶碗蒸就麻麻地，好淡，好似冇調味咁。天婦羅個南瓜同蝦ok，但炸漿厚咗小小甜品種類多，雪糕、啫喱、奶
諗住好多人會預祝父親節，所以一早book定位，食星期六最早個場5點，收費$188加一，入場前要先揀定火鍋湯底，我地揀咗芫茜皮蛋，坐低後湯底都幾快送到。
火鍋料用QR Code落單，非常方便，火鍋料種類不太多，但有連殼帆立貝，急凍生蠔同蜆。
自助區有大量蔬菜及丸類，比較特別嘅係火鍋料有小籠包😂，我都有叫兩粒試吓，同蒸個d冇咩分別。
肉類方面，牛我只點牛肩胛，但頭兩次嚟嘅應該都係普通肥牛，唯獨有一次嚟嘅牛，紋理同之前嘅唔同，估計只係有一次送咗牛肩胛嚟。
刺身（當日有7款）每次只限攞3款...其實都ok，食完先再攞，不過到我差不多食完先見工作人員切緊原條吞拿魚，到最後係食唔到嘅...個人認為赤蝦唔錯，好爽口。
同爸爸食飯一定要搵間有啤酒飲嘅，呢間有韓國罐裝啤酒，滿足到老豆，仲有Somersby蘋果酒任飲，啱哂女仔飲！本身想飲吓梅酒同清酒，可惜清酒杯同壺一早俾人攞哂...冇fill番。
係自助區攞咗小小熱食，茶碗蒸就麻麻地，好淡，好似冇調味咁。
天婦羅個南瓜同蝦ok，但炸漿厚咗小小
甜品種類多，雪糕、啫喱、奶凍應有盡有，要講嘅係frozen yogurt（當日係原味同蜜瓜味），通常放題有嘅yogurt都係伏，但估佢唔到同出面街食個d一樣味，我都食咗兩杯
雪糕係細細杯裝，試哂佢4種味
比較少見嘅係牛奶糖味同玄米茶味，好濃😋
乳酪味同阿菠蘿鮮果乳酪個底係一樣㗎，童年回憶😆
整體嚟講，每人二百幾蚊都幾抵食👍🏻
張貼
