Zappy (已結業)

朋友話之前黎食過好好味，所以我生日佢話已經BOOK左位帶我黎食，入到去舖頭裝潢簡約，餐廳以白灰色為主，環境靜靜地，感覺好舒服😌 在繁忙既鬧巿中添上一份寧靜，因為座位數目唔多，所以建議大家最好BOOK左位先。因為我好鐘意食牛同海鮮，所以一黎就點左個牛扒（和風慢燒紐西蘭肉眼扒），仲有Openrice 推薦既XO醬大蝦意大利麵同好多人都有POST既白酒忌廉汁煮貝殼鍋。個湯好味，係少左D，如果再大碗少少就更正。個蝦真係超得，又大隻又爽口，XO醬岩岩好，唔會好鹹，可能我比較鐘意食天使麵，呢個麵感覺略微有少少粗身左。睇下幾大隻，真係好正呀。（推介）味道岩岩好，唔會太生或太熟，咬落去唔會有渣，真心推介，但如果個牛再厚少少就更正。（推介）個白汁真係好正，呢個都一定要試，食之前要先食底個啲先，青口撈呢個汁真係無得頂。個包又勁好食，點汁一流，基本上叫左呢個鍋，最後只餘下一堆殼，啲汁係唔會有得淨。個蛋糕凍凍地，食落好似食緊雪糕咁，係有少少過甜，但店員知道我生日仲用朱古力醬唧左啲字同公仔，好靚，所以幫佢加左分。呢個好酸，用真檸檬整咁，但我朋友就好欣賞，仲話想食多個。最後餐廳待應好NICE好勤快，成日都會留意住