影片
更多
2022-07-31
3492 瀏覽
法日fusion菜，只試過arbor一家，係傳統fine dining上似乎言之成理，但放落鐵板燒依種咁傳統嘅日式料理之上，實在令人很好奇～睇落去就知到底邊到有法國料理元素！( •̀֊•́ ) ̖́-❝Sanka Special Course❞ ($1,750 +10% → $1,925)晚市有兩個套餐選擇，印象中分別只在於有無〔加拿大龍蝦〕，品嚐過後認為選擇貴啲個個set係正確嘅！龍蝦肉絕對係我所知嘅龍蝦料理中數一數二出色，肉質彈牙爽口嘅程度難以媲美，配合濃稠﹑帶甜味嘅醬汁令菜式昇華至另一境界。首圖嘅〔青森黑鮑魚〕係個人大愛！size有翻咁上下，肉質彈牙而有韌性，鮮味被醬汁加乘後又係另一程度嘅美味。師傅係醬汁調配方面落咗唔少功夫，而依個特色係〔金目鯛〕上就更明顯：本對燒魚類無太大好感，有醬汁加持下又變大愛。醬汁搶眼出色、唔似傳統日本料理咁盡量以原汁原味呈獻食材就係個人認為山下鐵板燒嘅法式元素。行政總廚山下泰伸曾經係日本同法國工作，希望將日本同法國料理融合，而醬汁往往就係法國料理嘅靈魂。風格獨特，係別店未必搵到呢～〔特選黑毛和牛西冷〕油脂感滿滿﹑入口無筋而肉味濃厚，三成熟度令肉質保持鮮嫩，係鐵
❝Sanka Special Course❞ ($1,750 +10% → $1,925)
晚市有兩個套餐選擇，印象中分別只在於有無〔加拿大龍蝦〕，品嚐過後認為選擇貴啲個個set係正確嘅！龍蝦肉絕對係我所知嘅龍蝦料理中數一數二出色，肉質彈牙爽口嘅程度難以媲美，配合濃稠﹑帶甜味嘅醬汁令菜式昇華至另一境界。
首圖嘅〔青森黑鮑魚〕係個人大愛！size有翻咁上下，肉質彈牙而有韌性，鮮味被醬汁加乘後又係另一程度嘅美味。師傅係醬汁調配方面落咗唔少功夫，而依個特色係〔金目鯛〕上就更明顯：本對燒魚類無太大好感，有醬汁加持下又變大愛。
醬汁搶眼出色、唔似傳統日本料理咁盡量以原汁原味呈獻食材就係個人認為山下鐵板燒嘅法式元素。行政總廚山下泰伸曾經係日本同法國工作，希望將日本同法國料理融合，而醬汁往往就係法國料理嘅靈魂。風格獨特，係別店未必搵到呢～
〔特選黑毛和牛西冷〕油脂感滿滿﹑入口無筋而肉味濃厚，三成熟度令肉質保持鮮嫩，係鐵板上已經香氣撲鼻。而最有驚喜嘅要數黑松露蒸蛋！黑松露除咗帶出香氣，亦已完全滲透至嫩滑到立於固體同流質分界線之上嘅蒸蛋，融為一體。
因為當日實在太認真傾計而忘記為其他菜式拍照（鞠躬），但不得不提以〔雪芳蛋糕配雪糕〕作結亦係相當亮麗，蛋糕鬆軟程度同雪糕綿滑程度都係餐廳將平凡食材發揮到極致嘅另一體現。
𓂃𓈒 𓂂𓏸 山下 𓏸𓂂 𓈒𓂃 @sanka_teppanyaki
中環士丹利街11號1樓
港鐵站出口，步行約分鐘抵達
每日12:00 - 15:00 / 18:00 - 23:00營業
𓂃𓈒 𓂂𓏸 用餐提示 𓏸𓂂 𓈒𓂃
店內設一張弧形長餐桌，食客肩並肩咁望住師傅係面前處理﹑係鐵板上烹調食材。室內以高級日系風格裝潢設計為主調。到訪當日對我黎講只係非常平凡嘅星期三，但對在場唔少人係紀念日／生日，而餐廳亦非常貼心幫忙慶祝～
❋ 全店只得10餘個座位，建議盡早訂座。
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♥︎♡
抵食指數 | ♥︎♥︎♥︎♥︎♥︎♥︎♥︎♡♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♡
用餐體驗 | ♥︎♥︎♥︎♥︎♥︎♥︎♥︎♥︎♥︎♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 慶祝節日﹑二人聚餐
更多同區美食 ☞ #17中環
更多同類美食 ☞ #17日本菜
♥️ 追 蹤 @17feelgood 發 掘 更 多 高 質 感 食 事 / 日 常 / 旅 遊 提 案 ♥️
張貼
