影片
更多
2021-12-21
227 瀏覽
老公話佢發現高質西式海鮮餐廳好適合我地慶祝結婚3週年，餐廳位於尖沙咀，有室內&室外位置，室內位置佈置得十分靚，有花花牆，同埋一d燈飾，好有情調。 當晚唔太凍，而且室外都有暖爐，所以我地就簡左坐室外啦。餐廳名叫得做海神，主打菜一定係海鮮啦！我本來一心想要去食生蠔，但見到佢有海鮮拼盤，二話不說就轉左軚啦😛二人海鮮併盤（$298）一上黎真係嘩一聲，真係好靚，侍應仲會提你要準備定手機打卡。海鮮分量唔少，2隻生蠔，4隻大餐，2隻大大翡翠螺，仲有一堆蜆，青口，另外配有3隻醬比你配黎食。生蠔雖然唔算肥但大隻，口咸細滑帶有淡淡海水味。海蝦&螺都唔會過老唔會韌，爽彈鮮甜。最值得讚既係蜆&青口，預先用蒜蓉炒香再雪凍，好香口好好食。鱘魚黑魚子煙三文魚他他（$138）鋪面既魚子醬絕不手緊，大量～仲加咗金箔做裝飾，更顯矜貴。最特別嘅係鋪底用上紅菜頭，估唔到同煙三文魚既咸香又幾夾喎，仲更加突顯岀甜味，加分。一口一啖，我覺得我食既係“幸福”。巴馬火腿火箭菜比薩（$168）12吋既pizza，一份6件，比較薄底，包邊焗得香脆可口，parma ham 大大塊，同火箭菜真係十分配，但略嫌調味單調了一點，醬汁唔夠多，所以食
餐廳名叫得做海神，主打菜一定係海鮮啦！我本來一心想要去食生蠔，但見到佢有海鮮拼盤，二話不說就轉左軚啦😛
二人海鮮併盤（$298）
一上黎真係嘩一聲，真係好靚，侍應仲會提你要準備定手機打卡。海鮮分量唔少，2隻生蠔，4隻大餐，2隻大大翡翠螺，仲有一堆蜆，青口，另外配有3隻醬比你配黎食。生蠔雖然唔算肥但大隻，口咸細滑帶有淡淡海水味。海蝦&螺都唔會過老唔會韌，爽彈鮮甜。最值得讚既係蜆&青口，預先用蒜蓉炒香再雪凍，好香口好好食。
鱘魚黑魚子煙三文魚他他（$138）
鋪面既魚子醬絕不手緊，大量～仲加咗金箔做裝飾，更顯矜貴。最特別嘅係鋪底用上紅菜頭，估唔到同煙三文魚既咸香又幾夾喎，仲更加突顯岀甜味，加分。一口一啖，我覺得我食既係“幸福”。
巴馬火腿火箭菜比薩（$168）
12吋既pizza，一份6件，比較薄底，包邊焗得香脆可口，parma ham 大大塊，同火箭菜真係十分配，但略嫌調味單調了一點，醬汁唔夠多，所以食落有小小乾。
烤脆豬手配薯蓉（$248）
呢度既豬手令我有驚喜，豬手唔係死咸，比起岀面黎講算淡，加脆肉嫩，配埋個芥末醬清新可口。最正係個薯蓉，creamy得黎食到牛油香，好味。食到有d漏既話可以食一淡酸椰菜，即時解漏，可以再食過！但沙律菜就mama地，無source所以無乜味。整體黎講真係好好食。
呢度一定要介紹一下佢哋嘅野飲，顏值滿分，打卡一流，令我既少女心大爆發。
olympic($98) 成杯Tiffany blue, 上面有一層蛋白泡，仲有一啲花瓣喺上面做點綴，未飲都已經覺得正。
Poseidon's Treasure ($128), 以寶盒盛載住，十分夢幻。一堆冰上載有一杯雪碧，一小杯rum，另外仲有一d生果，最特別既係你可以跟據自己既口味調較一杯屬於你既cocktail。味道不算太濃，較適合女士享用。
最後上埋預先訂左既Brownie overbroad $108，order 時預先請求幫忙寫上anniversary既祝賀字句。甜品賣相十分吸引，微暖既brownie外脆內軟，朱古力味濃郁，夾有少量nuts，增添口感。配上雲尼拿雪糕，食得好滿足，好睇又好食。開心開心🥰🥰
張貼
