Chef's Cuts

營業中

休息中

今年老公生日，決定同佢去黃金海岸商場，試下呢間餐廳嘅西餐😍。呢度嘅食物款式繁多，我哋揀咗以下食物：慢煮黑豚斧頭扒🍖，用慢煮嘅方法，可以鎖住肉汁，黑豚斧頭扒肉質鮮嫩，配上蘋果青醬，味道好夾，細細舊嘅酸忌廉薯仔🥔都好好食。熟成肉眼扒🥩拼松露薯條🍟，7成熟嘅肉眼扒，廚師煮得啱啱好，啖啖肉都有好濃郁嘅味道，加上香脆嘅松露薯條，真係無得彈。最後嘅甜品係提拉米蘇棉花糖雪糕，意大利軟芝士慕絲，咖啡蛋糕。我最鍾意食甜品，呢個提拉米蘇唔太甜，連一向對甜品冇乜興趣嘅老公都話好食，值得推介❤️。