尚鮮海鮮料理 (已結業)

終於考完final男友話要帶我食好西慶祝下😚今次揀咗尚鮮 因為朋友介紹有個血池麻辣湯底好正一於試下 安排咗個單格位比我地 仲有得睇電視 可以睇住愛回家打邊爐好正落完單後就上咗醬料兜比我地自己混醬喇呢到竟然有薑蓉揀 唔知有冇人同我一樣覺得好正呢 好快就上咗呢個傳說中既血池麻辣湯因為朋友話會噴火 所以另一邊揀咗姫松茸冬瓜想講姫松茸個湯好清甜 就咁飲都好正而血池真係好！血！池 滾到咁上下真係會食到噴火！又麻又辣 勁正呀！見到呢到除咗火鍋料仲有串燒叫咗牛舌 靚仔上菜時話佢地特登厚切 想客人食到口感見佢外面好似好乾咁 點知一咬落去原來係脆脆外皮入面係好juicy ! 強烈推薦呢個呀跟住其他配料都陸續於上手切牛邊位 建議配姬松茸湯呀 帶出到勁重牛味食到我地停唔到口另外娃娃菜 好大份呀 爽脆鮮甜無得彈豬粉腸同豬潤 都好爽滑食得出好新鮮仲有叫咗雙拼蟹皇餃一咬落去食到好鮮甜蟹肉叫得血池麻辣鍋 一定唔少得叫杯野飲溫自家製洛神花蜜茶同自家製青檸梳打蜜 我個人最鐘意後者 勁清暑解渴呀男友話噴住火飲 兩杯都好解辣