Thirty First of May (已結業)

為咗慶祝搵工成功,今晚決定同男朋友食餐好嘅! 左揀右揀, 最後揀咗呢間又有得食西餐又有得食海鮮既 Thirty First of may。裝修都幾靚, 喺餐廳中間有個大月亮, 成件事好浪漫好有feel。上咗個海鮮拚盤已經話嘩嘩聲! 啲海鮮件件都又大件又新鮮! 最鍾意就係翡翠螺又大粒又鮮甜, 平時真係冇咩機會食到! 另外，生蠔同青口都唔錯, 食得出都新鮮又鮮甜，可以食到咁大件嘅海鮮確實係開心~呢個三文魚頭盤真係我全晚嘅至愛! 三文魚比好多日本餐廳嘅都好食，亦都要黎得新鮮，將三文魚、三文魚籽同配菜一齊放入口食嘅感覺真係好清新, 而又爽口，份量都充嘅。但我超鐘意食菜，😍如果可以再俾多d我，我會更加滿足開心黑松露湯同甘筍湯好飲，唔係求其俾罐頭湯你，係有誠意嘅作品，而係真係有放到新鮮食材自己調製嘅。最後呢到主菜西班牙海鮮飯, 個飯炒得好香好好食, 味道帶少少酸酸鹹鹹，咁幾開胃。啲海鮮份量亦唔少, 同飯嘅味道都好夾。 比出面既海鮮飯好食好多~月球下的我們對呢餐都好滿意, 如果又想食海鮮又想食西餐嘅話, 呢間都係一個好選擇!