一寿司 (已結業)

經過旺角, 突然間好想食呢度的玉子燒以及我上次唔記得左食南瓜布甸, 身邊的他好似知我心意咁, 話要黎圓我心願食南瓜布甸.未食巳滿足, 因有個咁懂我寵我的他.最愛的玉子燒當然唔少得, 又厚又大件, 依然咁好味, 上次試過辣味三文魚覺得好好味, 今次食辣味吞拿魚覺得差少少, 卷物都唔錯, 料多又好味 最好笑的是大家都好最普通平凡的腐皮壽司試多幾款壽司都好好味, 要了個芒果蟹子沙律, 好少芒果同蟹子, 成碟都係青瓜絲呢碟下次唔會再叫, 三文魚刺身仍然係我地至愛, 好厚好新鮮; 見到飲品做緊特價, 買一送一, 所以我地叫左杯及一杯黑森林朱古力, 店員都好樂意幫我走左唔想要的簿荷. 走左簿荷的黑森林朱古力好好飲, 入面還有粒粒朱古力碎, 值得推薦 最後都叫左最想試的南瓜布甸, 竟然係今晚令我最失望的, 細細個半邊南瓜中間挖空了少少, 係中間個窿有的南瓜味的布甸, 兩三匙巳食晒, 還要個南瓜壳唔知循環用左幾多次, 因為好黑好殘, 還要收39元, 勁唔抵.聽朋友講呢度的串燒唔錯, 下次想食玉子燒時, 我還是會來的, 希望身邊的他不會介意成日陪我食同一間店