Season Oyster & Wine Bar (已結業)

公司附近有家即食生蠔餐廳，價錢又屬親民價，總會一試再試！餐廳在信德街，位置寧靜，但‪7pm‬入座已經好滿座，非常熱鬧。餐牌菜式選擇眾多，生蠔/焗蠔/海鮮拼盤/肉扒等，應有盡有。餐酒配生蠔套餐，價錢大眾化，買一酒，可以用優惠價$50食生蠔。我地order一支意大利白酒($148)，貪酒精濃度唔太高，只有11%，易入口。$50選擇食美國中碼生蠔，口感rich，即開即食，非常新鮮！有美酒之時，唔少得叫分炸物送口- 韓式炸雞肉($68)。有別於快餐店炸雞，新鮮即炸，熱騰騰，炸粉＆肉比較又剛剛好，好味。意大利肉醬千層麵滿滿芝士，夾有千層麵＆肉醬，三款mix埋一齊，味道好balance，麵又唔會太乾身，好有口感。