慶麵 (已搬遷) 新店位置

行過呢間餐廳，喺大角咀區門面算乾淨，入面未坐滿，疫疫情嚴重空氣流通好重要，就入去試吓。坐低咗，每個位都張點餐紙，我哋好自然打開睇，有位唔知係女店員定老闆娘立刻走過，話你哋寫係同一張得喇，點完菜，立刻收返其他未用餐單，由於未幫襯過, 我話想睇吓加單，佢好倔咁話一陣會比返你點嗰張你。我想睇多一陣佢都好似好唔歡迎。食食吓發現包云吞小籠包的師傅 。。。 無。戴。口。罩！由於同屋企人一齊，食咗一大半，而且個老闆大大聲同個師傅頃計，佢哋明顯覺得係冇問題，所以亦唔想理論。食完就走食物方面蔥油麵，係全餐最好食，麵質似日本拉麵，有咬口，蔥油算香口，但蔥比較長，如果連面一齊食有點難咬斷百花云吞麵，麵質同蒽油面一樣面，配上豆卜，肉燥同百花云吞，如果係招牌菜未見驚喜口水雞卷，啖啖肉，賣相討好，以價錢來講抵食紅油百花云吞，紅油加咗麻辣，太搶雲吞味、而且發現師傅冇戴口罩已經唔想食總括嚟講，以午餐嚟講價錢算抵食，但係職員同老闆嘅招呼態度比較掘，好似欠咗佢咁, 加上疫情嚴重個師傅唔戴口罩。我一定唔會再去