上海美華菜館 (已結業)

朋友童年成日嚟食，我今日喺附近，佢就諗起貢過嚟帶我嚟食。朋友早到，入座已令朋友燥底，落order叫野食原來係要一次過叫晒的，真係聞所未聞. 反而朋友好燥的情況下，我又一啲都唔燥。本人鐘意隱世小店，因為總覺得係卧虎藏龍，食物質素好，我可以將服務態度暫時拋底。但呢間真係絕對唔係咁，個小籠包稍大粒，皮厚少肉汁，只能怪我見識少。酸辣湯唔夠酸唔夠辣，只能講佢有自己風味，唔夾我呢個鐘意”一般質素"酸辣湯嘅人嘅口味。另外两樣雪菜炒年糕同薰魚幾好食，但又真係唔會專登搭車嚟食呢两味。最後仲有，唔知係張枱面爛左定乜鬼，個圓枱面再加多張黑色厚圓枱面喺上面，搞到枱面距離同塊面近左，即刻好似張櫈矮左咁食得好唔舒服，其實呢間舖真係唔會令我心甘命抵忍你呢啲小事再幫襯。今次完全無醒起影相 ，可能個位係風口位，太凍，下次補影返。。。呀，不過應該唔會有下次。