皇府串燒 (已結業)

雖然呢餐從1900食到差唔多2230，主要原因係小店真係好俾心機處理每一道食物，燒雞翼要慢火燒到骨肉分離就已經唔簡單。無可否認三位姐姐都比較有個性，但我理解會佢哋對專業嘅執著而唔係好似一般燒烤店咁考慮返枱率而加大火力咁去燒。我哋剛好對住對住厨房，全部睇清楚晒成個過程，如燒蟹足足燒咗成半個鐘。每一道菜都新鮮好味，花咁多時間絕對係值得👍可惜食完之後聽到一個壞消息，希望問題可以盡快解決之後又可以再約朋友一齊嚟食過。