影片
更多
2013-01-13
4 瀏覽
食日本拉麵食到悶悶地, 見到呢間食中式麵都搞到咁鬼high, 又慢煮又份子料理咁, 即刻book黎食. Book時阿姐臨收線話：'唔好遲wor!' 我覺得有啲冇禮貌，你話你留檯只留15分鐘我唔會覺得有問題，但唔好命令我囉！七點半黎到. 因為我知聖雅各福群會響邊, 加埋openrice其實間舖唔算難搵. 原來慶雲街係崛頭巷, 夜晚非常黑, 唔係網上介紹真係完全唔會知有呢間舖. 門口裝修幾有型, 因為望落似傢俱舖多d. 入面裝修都幾失望, 可以話冇乜裝修可言. 用料都唔見得好. 我坐四人檯, 係有背的木摺櫈, 坐得唔舒服, 亦有d唔穩鎮. 再肥d坐張櫈唔知會唔會'冧'. 打開menu. Tasting menu每位200幾, 都幾貴. 其他基本上都係薑荵撈麵餐或者將d 麵餐的料散叫. 甜品就得chocolate mousse. 兩個人叫左個慢煮牛仔骨麵餐+花雕蛋西班牙火腿麵餐+燒吉品鮑. 野食黎到. 原來所有野分開上. 麵碗好大但麵的份量唔算多, 大食d的男仔應該食唔飽. 奇怪的係, 裝餸同湯的器皿係玻璃的, 但麵碗就係膠兜的. 跟住侍應就啜一粒麻油cream 落去碗麵度. 麵身都幾好
七點半黎到. 因為我知聖雅各福群會響邊, 加埋openrice其實間舖唔算難搵. 原來慶雲街係崛頭巷, 夜晚非常黑, 唔係網上介紹真係完全唔會知有呢間舖. 門口裝修幾有型, 因為望落似傢俱舖多d. 入面裝修都幾失望, 可以話冇乜裝修可言. 用料都唔見得好. 我坐四人檯, 係有背的木摺櫈, 坐得唔舒服, 亦有d唔穩鎮. 再肥d坐張櫈唔知會唔會'冧'.
打開menu. Tasting menu每位200幾, 都幾貴. 其他基本上都係薑荵撈麵餐或者將d 麵餐的料散叫. 甜品就得chocolate mousse. 兩個人叫左個慢煮牛仔骨麵餐+花雕蛋西班牙火腿麵餐+燒吉品鮑.
野食黎到. 原來所有野分開上. 麵碗好大但麵的份量唔算多, 大食d的男仔應該食唔飽. 奇怪的係, 裝餸同湯的器皿係玻璃的, 但麵碗就係膠兜的. 跟住侍應就啜一粒麻油cream 落去碗麵度.
麵身都幾好，偏硬但我個人覺得幾好. 薑荵唔夠香. 麻油都唔夠香, 要侍應加多一粒先好少少. 牛仔骨OK, 但食唔出慢煮同普通煮有乜分別。汁比較少，係炆牛腩的汁，唔算好入味.
花雕蛋煮得幾好，好流心。幾香花雕味，但我覺得可以再重啲酒味。西班牙火腿似乎唔係cheap嘢，片片的texture都幾好。老火湯ok。冇乜特別。
鮑魚就好普通，冇乜鮑魚味。燒得黎唔夠火喉，再燶啲先好味。
服務普通。阿姐服務有啲街坊餐廳feel (態度問題)。同呢度食嘅嘢同價錢有點格格不入。
總結：由於唔係咁好食，我唯有放你入整色整水category。同家下日本拉麵差唔多價錢，但裝修又冇乜，實在好難俾笑你。
張貼