番茄師兄 (已結業)

其實店員好nice，超友善，好好禮貌，食滿唔知幾錢仲送咗個麻香醬汁俾我朋友。聽講番茄湯都好唔錯，只係因為番茄湯有落牛去煮，我就真係無食到。二人餐打邊爐，每位大概180左右，質量同份量都ok嘅，只係鴛鴦湯底佢得忌廉粟米湯俾我去淥，味道真係好怪異。黑魚好滑，黑豚豬肉都大片。仲有叫幾個小食嘅：麻香瑞士汁豬頸肉煎過嚟都爽口。個麻香其實唔辣嘅，而且都唔麻。威士忌瑞士汁雞子，聞到威士忌味但食唔到。酸辣汁雞子食唔到酸味同辣味，淨係食到豉油味。我地仲專登留低個汁當火鍋醮醬去用，否則個忌廉湯我真係食唔到咁多。朋友話都係平時番茄嘅湯麵好食d，以火鍋嚟講，我應該唔會再食第二次。