如意冰室私房菜 (已結業)

去到邊都梗係第一時間揾黃店食啦！今次就去左灣仔食如意冰室，一去到就見到連儂牆，環境好正！一入到去就聽到佢播肥媽有話兒，好好笑！間店有兩層，上層就比較靚啲，但因為嗰日有人傾緊嘢，所以只好坐樓下。價錢方面，灣仔區黎講唔算貴。我地每人嗌左一個碟頭飯，啲餸黎得有啲慢，都無乜客，但都等左頗耐。椒鹽豬扒飯啲豬排非常有鍋氣！炒得好香，調味十足，有少少辣，啱啱好！豬排亦都好冧，係非常好食嘅一碟菜！咖哩牛腩飯啲咖哩唔辣，有少少椰香味。薯仔食得出係有炸過嘅，但啲牛腩就太韌，有啲都食唔到。整體黎講麻麻。整體黎講，不過不失，可能有更多好食嘅餸，我地未能夠逐一品嘗。可能大家都可以一試。