滋味靚湯

營業中

休息中

-🔸正宗馬拉肉骨茶🔸惹味黑椒雞中翼🔸柱侯冬菇炆極腍五花腩🔸花膠瑤柱螺片鮑魚紅棗雞湯-懶人都想食好啲，疫情又開始嚴重嘅關係又唔想餐餐出街食，買啲餸包湯包放喺冰箱看門口就最好啦！依間喺觀塘工廈裡面嘅餸包湯包專門店，喺公司附近所以我成日都會補倉。今次買咗兩個餸同兩個湯水，平時唔食住可以放冰箱保存，食嘅時候隔水煲熱就食得，超方便！肉骨茶夠濃味而且好香藥材味，湯裡面嘅排骨煲到入晒味又啖啖肉！雞翼好香黑椒味，少少辣好惹味，仲有成7-8隻咁多，兩個人份量剛剛好。五花腩厚切得嚟又燘得好腍，仲有幾舊超入味花菇，正！