波仔

營業中

休息中

暑假期間，逢星期三去波仔買波仔產品有九折，呢期夜晚要睇奧運，唔想煮飯或落街買嘢食，買返幾盒放係屋企，隨時都可以食到，真係非常方便。前排買咗兩款小食，一款甜品及兩款主食返屋企。⁠花生醬西多士:講到童年回憶，又點少得西多士呀？ 花生醬西多士好多茶餐廳都有，但夜媽媽想食，又點會整？ 波仔新出嘅「花生醬西多士」用氣炸鍋炸完新鮮出爐時食，入口脆卜卜，中間仲有濃郁嘅花生醬，雖然好邪惡，但真係好好味，配合埋附送嘅糖漿，甜到入心，真係令人一啖一啖咁食到停唔到口。 ⁠水晶蝦餃：蝦餃一包有六粒，皮薄餡靚，晶瑩剔透，咬落去仲有啲汁，蝦肉彈牙爽口仲好鮮甜！藜麥雞肉花椰菜飯：近年興起花椰菜飯，不過功夫多，懶得整，反正波仔有出，買定一兩盒放冰格，想食時叮黎食好過。加入左藜麥嘅花椰菜飯令到整體口感提昇，配合埋雞肉、洋蔥、紅蘿蔔同毛豆仁，非常豐富。黑松露蘑菇意粉：黑松露蘑菇意粉真係不得了！ 黑松露嘅香味勁濃郁，每一啖都食到粒粒蘑菇，口感爽脆，意粉叮過後啱啱好，彈牙又入味！黑松露醬汁撈勻晒啲意粉，真係好邪惡呀！芝麻糊：芝麻糊芝麻味好濃郁，食落去好滑，通食又得，熱食又得，買返碗放喺屋企，隨時隨地都食到，真係方便。