肥仔海南雞專門店 (海光苑)

營業中

休息中

懶，是夜加餸，叫咗一個例牌的海南雞(純雞冇飯$60)，大概有¼隻雞，可以分兩餐食。回家用新買的靚靚餐具擺好，這裏大概一半的份量。除了三款經典醬汁：薑蓉、黑醬油、泰式酸辣汁之外，仲有醃青瓜八條，份量十足。醃青瓜大大件，醃得入味又爽脆，不錯。雞已經徹底去骨，去骨去得很乾淨，很適合懶人！這個價錢當然不會期待雞是新鮮雞，但雞肉的品質選擇得不錯，嫩滑有雞味，美中不足是有點太油，我估計這裏選擇的是比較高一級的三黃雞，貪其雞味濃郁，香味比較足，缺點是油份會比較多。不過反正是外賣在家裏吃，當然可以選擇自己去油不吃雞皮。三款醬汁，薑蓉一如既往地最夾雞肉，黑醬油比較甜，個性不足，泰式酸辣汁香辣惹味但點得多會有點掩蓋雞味。3款中我還是最喜歡薑蓉。