串Grill 自助燒烤專門店 (廣華街) (已結業)

今日行街行到好攰，好早五點幾就去咗食晚餐🙈 呢間餐廳有Happy Hour，早啲嚟食平啲又唔使等位💓 我哋走嗰陣門口條龍長到爆😂食物方面，豬牛雞都有好幾款唔同嘅選擇🥰 款款啲肉都好嫩，呢個價錢來講可以食到呢個質素嘅肉真係好抵食🤤 個人最推介M6和牛牛柳、牛舌同埋牛肋腩😍 佢地肥瘦適中，唔會太油膩，而牛肋腩係特別惹味🙈 食多左肉都叫左唔少蔬菜類嚟食，最推介食燒菠蘿同埋日本甜薯😬 燒菠蘿可以解膩 食完又再叫多一round肉🤣另外，不得不提嘅係呢度嘅燒烤機😬 啲串燒會自動旋轉，令到啲嘢食平均受熱，唔會話燒到燶曬🥰 方便易食，嘆住冷氣食到BBQ嘅質素💯醬料方面，燒到6-7成熟嘅時間就可以揸啲燒汁，令到啲嘢食燒出嚟好惹味💓亦都有泰式魚露同埋韓式梨汁燒烤醬，可以根據自己嘅口味來點🙈佢亦都有唔同嘅調味粉提供，小編最推介係串Grill辣椒粉😬 呢個粉唔辣但係會令到啲食物更加惹味！