葫同日式燒肉 (禧利街) (已結業)

返黎香港後，成日想食燒肉。朋友介紹左一間懶人燒肉，即係有人燒埋比你食甘解。呢日同老公去試一試，門前竟然可泊車，十分方便。雖然已臨近農歷新年，但店內仍有聖誕裝飾，增了不少節日氣氛。上環區的懶人燒肉，晚市套餐價錢卻比我想像中實惠，最平的只是$200一位，而我們點了中價位的。套餐先上沙律開開胃，醬汁應該是自制的，頗特別。打頭陣的是鹽蔥牛舌，牛舌是薄切的，亮點在於舌面的配料。牛舌燒熱後，蔥花亦開始釋出香氣。入口時混和了鹽香、蔥香、牛香，是不錯的小食。牛胸脊是醃製好的，入口甜甜帶微辣，有點韓式的感覺。松板豬帶來不少驚喜，只用少量鹽醃製，原汁原味。豬肉爽口嫩滑，油脂香味濃郁，不用點醬汁已十分好味道。牛油去骨雞腿肉亦是另一亮點，雞腿肉已去骨啖啖肉。多得店員一邊燒一邊加上牛油，雞腿肉滲出啖啖牛油香味，十分惹味。套餐餐配上不少蔬菜。蕎麥麵亦有質素。燒飯團比較有特色，飯團慢火燒好後，表皮脆脆的，口感很新奇又好好食。受到款待的一個晚上，不用動手就可食到美味燒肉，enjoyable! 燒肉同我想像中有點出入，不是傳統日式，卻是另有一番風味。