影片
更多
2023-02-21
644 瀏覽
每日返工都會經過，不過返工嘅時候佢未開，放工嘅時候佢又閂門。 所以一直都留意唔到佢😅有一日，同事推介哩間餐廳先見到🤣餐廳開放時間可以睇社交平台 page，期間限定嘅菜色都會上載頁面。去之前，可以喺專頁睇吓餐廳有冇開門，以免摸門釘呀❗️餐廳不設預訂，只接受walk-in，不過餐廳有兩個鋪位，主店滿咗，可以坐隔離鋪位。椒絲腐乳卡邦尼 2.1 ($95)fermented beancurd "fuyu" carbonara 2.1 睇落份量唔係好大，但因為醬汁好creamy，所以食下食下都幾飽。有一段時間，好興食腐乳 carbonara，但我都冇特別去試，所以今次係第一次試。 我個人對腐乳唔抗拒，仲覺得佢幾香。但要將佢放入西式料理，初頭會擔心，中西醬料會唔會唔夾，加上腐乳係一個好濃味嘅調味料，加入菜色會好搶味道🤔食第一啖，味道又幾好喎，其實唔係好食得出腐乳嘅味道😂味道唔會太咸，調味岩岩好，味道平衡，原來真係可以將中式醬料放入西式料理😯😯蔬菜咖哩派 ($78)curry veggie pie朋友最近食得大餐多，食滯咗🤣所以想輕食叫咗一個蔬菜派。唔好睇個蔬菜派望落細細，食落都幾飽。咖哩偏辣，唔食得
有一日，同事推介哩間餐廳先見到🤣
餐廳開放時間可以睇社交平台 page，期間限定嘅菜色都會上載頁面。
去之前，可以喺專頁睇吓餐廳有冇開門，以免摸門釘呀❗️
餐廳不設預訂，只接受walk-in，不過餐廳有兩個鋪位，主店滿咗，可以坐隔離鋪位。
椒絲腐乳卡邦尼 2.1 ($95)
fermented beancurd "fuyu" carbonara 2.1 睇落份量唔係好大，但因為醬汁好creamy，所以食下食下都幾飽。
有一段時間，好興食腐乳 carbonara，但我都冇特別去試，所以今次係第一次試。
我個人對腐乳唔抗拒，仲覺得佢幾香。但要將佢放入西式料理，初頭會擔心，中西醬料會唔會唔夾，加上腐乳係一個好濃味嘅調味料，加入菜色會好搶味道🤔
食第一啖，味道又幾好喎，其實唔係好食得出腐乳嘅味道😂
味道唔會太咸，調味岩岩好，味道平衡，原來真係可以將中式醬料放入西式料理😯😯
蔬菜咖哩派 ($78)
curry veggie pie
朋友最近食得大餐多，食滯咗🤣所以想輕食叫咗一個蔬菜派。
唔好睇個蔬菜派望落細細，食落都幾飽。
咖哩偏辣，唔食得辣嘅朋友要留意。
Mocha ($44)
Weekday無論叫lunch或者即all day menu食物配飲品，都可以減$15，weekend就減$10。
今次同樣地揀咗我好鍾意嘅mocha，咖啡好香，而且唔會太甜，配上美麗嘅拉花，推薦❤️
餐廳係地鐵站出口對面，一啲都唔難揾。
有機會嚟宋皇台站的話，可以拜訪哩間小店。
餐廳有户外嘅座位，仲可以帶埋毛孩一齊🙂
張貼
